Charles Ndeumane
OSHAKATI – Omunyekadhi gwoshilongo shaNamibia omutiyali Penehupifo Pohamba okwa gandja omayambidhidho gomakende gomeho kaantu ye na uulema woshipa oku pitila mehangano lyoku nkondopeka aaselekadhi noothigwa dhomukithi gwoHIV/AIDS, OEWONA.
Aantu yena uulema woshipa oku za koombinga dha yooloka dhaNamibia oya gongala mEtitano lya zi ko mOshakati opo ya taambeko omayambidho gomakende gomeho ge li 750.
Omakende ngoka oga pewa OEWONA kehanga lyomayambidhidho lyaSpain ha li ithanwa International Inner Wheel.
“Sha landula oshigongi shoka twali tun a nehagango lyoInternational Inner Wheel, oshilolyo shimwe shehangao ndyoka osha kutha etokolo lyoku yambidhidha Aanamibia yena uulema woshipa nomakende gomeho geli 750 opo ku yambulwe po emoneko lyawo nongushu yoonkalamwenyo dhawo,” Pohamba a ti.
Pohamba okwa ti Spain oha handja omakwatho kaantu yena uulema moNamibia, nomvula ya ziko okwa gandjele natango omakende gomeho.
Anuwa omakende ngoka ota ga falwa kiipangelo ya yooloka moshilongo opo mboka ye ga pumbwa ya konakonwe koondohotola dhomeho yo ya pewe omakende ngoka ta ga opalele omeho gawo.