Ehangano lyoku tengeneka onkalo yombepo olya ti Shiyenga shaNangombe tayi kega dhenga pevi miitopolwa yokonooli okuza oshiwike shika.
Nonando kwa ningi esiku kuna omutenya gwameme-meme, konima yomvula yomehuulilo shiwike natango miitopolwa yimwe yokonooli ngaashi Oshana, Ohangwena, Zambezi, oshowo koKavango. Ehangano ndyoka olya nyola komalungula kutya, okuza mEtiyali omvula okwa tegelelwa yiga tilehi moondoolopa ngaashi Ondangwa oshowo oondoolopa odhindji mOtjozondjupa oondoolopa dhimwe ngaashi Grootfontein, Otjiwarongo, oshowo Otavi dha ningi esiku tadhi mono omata. Ondoolopa yaRundu yo anuwa oya tengenekwa okumona omvula okuza mEtiyali sigo Etine.
Omaheke oshowo Khomas nayo oya talelwa po kuShiyenga shaNangombe.
Moonkundathana naanafalama yamwe konooli oya ti ombepo otayi pepe nawa noyena omukumo omvula ndyika
pamwe tayaka likola mo sha momapya.
Sonia Tandeus gwomokunda Aakwenyanga moshitopolwa shaShana okwa ti, okuza mehuulilo shiwike, omata omashona oga loko momukunda gwawo.
“Omikunda ndhilwe, odha mona omata gomvula nonando hago ngaa ngoka taga hokitha, ashike kegulu natango otaku tupe omukumo,” ta popi ngaaka.
Ta ti, okwa kundana wo kutya omata natango oga dhenge ngaa kiitopolwa yilwe kuununginino woshilongo.