Auleria Wakudumo
Opolifi moshitukulwa shaShana otai konakona oshibofa shekwatonghonga sha landula eshi okakadona keedula 20 vati ka kwatwa onghonga komuyandji waye woilonga efiku lotete.
Oshiningwanima osha ningilwa komukunda Okashandja moshitukulwa shaShana, sha ningwa mexuliloshivike. Oshiningwanima osha kolekwa komukonakoni woimbuluma moshitukulwa shaShana Deputy Commissioner Frederick Ndjadila.
Ndjadila okwa holola ta ti nakuningwa oshihakanwa ohadi komukunda Onalunike moshitukulwa shaShikoto. Ndjadila okwa ti vati okakadona okali konga oilonga koradio muKotoba, eshi ka dengelwa kumufekelwa oo e ka lomwela kutya ota kongo omunailonga womeumbo. “Omufekelwa nakakadona konima yeenghundafana ova unganeka opo va shakene. Konima yokushakena, omufekelwa ova ya keumbo laye oko ngeno kakadona taka longela,” Ndjadila ta ti.
Ndjadila okwati konima yokulya ouvalelo, vati omufekelwa okwa ifana kakadona monduda opo va popye shinasha nonghalo yoilonga. Vati mokuya monduda, omufekelwa okwa hovela okukwata okakadona shi heli pahalo lako nokonima eshi okakadona keli kanyuna, okwe ka dula eenghono ndele teka kwata keenghono.
Konima vati omufekelwa okwa fadukapo, ina monika fiyo opaife.