Sibbinda -Richwell Mazumo kwatokora kuruganesa udivi wendi wonondima yipo atameke unandima woposiruwoasi ngesefa. Age kurandesa oyo ana zangura konkarapamwe zomoSibbinda, Zambezi mukundahorowero. Age kwapura asi eyi yokuninka asi nkenye eyi ono hara ngano vayikupe yahaga, age kuna kugusa kweyi vatjanga mobibeli. Vadimu ngavali mana, momawiza moomu tupu ngayigeve mwene sankendengere nomungavagwana nomboroto dokutunda meguru valye.

 ‘’ Siruwo soMoses sapita, vaIsarael ngavagwana manna zokutunda meguru zigwire mwaza sirongo. Siruwo sangoso sapita. Ose twahepa nye kundindira epangrero litupe nayinye tuna hepa. Ose twakara nouruvi wanyamwetu, ntani tuna kara nevhu eli lyewa ngesi, makura turuganeni yipo tuparuke,’’ yimo ana kutanta ngoso age kuna sikama pokatji kosipata sendi esi sina kupekema. Age kwatameka nosikunino sendi esi kutunda mo 2022 nomusunda gumwe ngoso gevhu. Nampili ngomu yakara asi nondima kwakara nomaudigu gawo, age nkenye apa kupinduka monongura ponovili 03h00 akarugane mosipata sendi komeho aka ze koyirugana yendi yourongi. Konyima nye zosure, age tayalipakerere kumwe nepata lyendi vayatwikire kuyalima ndi kupakera sinka sikunino sawo esi gava sigira guhyawo. Mazumo kukuna yidamate, green paper, makovi, ehidi, kanakamudesa, beetroot, yimango, ntani sweet potatos. Age kugava nye konkarapamwe, age kugava nye kovatungimo ntani kutwara kodoropa zaKatima Mulilo, pwakara asi 60km sinano. ‘’ Mokuhorako nye ofute nsonso zougendero, ame kukuna yikwa hidi eyi nokurandesa konkarapamwe kondando zongwa,’’ yimo ana kutanta. Age kurandesa sprnch pokatji koN$5 no N$10 ngoso kulisiga tupu asi unene ngapi lina kara. 

Mazumo age simpe kuna kwakara nonondima omu gaweka nongombe, omu azangura mahangu, epungu, yilya ntani katjama ntani hena sweet potatoes pontambo zonene. Nampili ngomu kuna kara asi ruteni, age simpe kuna kutanta asi kuna kurugana nawa morwa age galituramo unene ntani kurugana unene.  ‘’ Nampili asi sinzi kukondja unene, age gatompora mokuzangura nonsako ntambali depungu, ntani nonsako ne doyilya. Yina kara asi yina gwanene kwendi yina kara asi ezi mvhura zodigu, unene,’’ yimo ngoso ana kutanta.

Age nare gaturapo nokuzogera nonkarapamwe ngano vayamborore ngesi vamana nare zina kara asi zokorutjeno. Nye kapi ana kara nomulihu dokutekeresa, age kuruganesa yihemere yiyo ayininkisa alivinduke atekere. Age ngesi kuna kuhundira kovasamaritani wonkenda vavavatereko mema neyi yokutekeresa ntani darate vamange kevango lyawo. Nongombe kupitamo, makura awo kuna kutjira asi kuvhura kuzonagura nomulihu noyimeno yawo. Ndama zomema, nodarate, sikunino sange hawe ngano tasi wapa unene. 

Mokugwedako, age kunakumona asi nsene agwana mbatero ngano tamborora ekero lyamwene yipo agwederere sipata sendi, nokugwedako nye morupe ronondja mosirongo. Age kuna kugava mukumo kovadinkantu asi vahayingira tupu, nye vahepa kurugana yonondima yipo asi vahandindira tupu epangero asi yiylo nalivavatera. -anakale@nepc.com.na

.