Auleria Wakudumo
Ombelewa yakula yoshitukulwa shaShikoto oya holola kutya epangelo okupitila mounisteli wounamapya nomeva onghene tali twikile okukandulapo omhumbwe yomeva moshitukulwa shaShikoto. Epangelo ola fa emboola 34 pokati koule weemwedi heyali, okudja muApilili fiyo omuKotoba 2024.
Emboola odafewa moikandjohoololo ngaashi shaNehale Lya Mpingana, Guinas Okankolo oshoyo Eengodi, kongushu yeemiliona N$19.
Moshikandjohoololo shaNehale Lya Mpingana, omwa f ewa eemb o ol a momikunda Onxaiva, Elunda Lyo Ndjamba, Nandelifa, Oshana Shaanani, Okatope Erki , Omatope , Oshana Shuuyandje, Ontandashiye West, Okayoka, Okanuwa, Ondj i ina Ya Mundanda, Oshongwe East, Onambandje West, Emanya East, Emanya, Okamanyona, Onalusheshete, Ombakana nOshataha.
Omanga emboola mbali da mboolwa moshikandjohoololo Guinas, da fewa moTsintsabis noWife Kalangula. Emboola nhee oda fewa moshikandjohoololo Okankolo, imwe oya mboolwa pofikola Oshitilwe, Oshoyo omikunda Ong aung au, Onampombo nOhaimbada.
Emboola omuwoi odamboolwa moshitukulwa Eengod i, da mboolwa momikunda domoshikandjohoololo omuwoi.
NamWater naye ot a longolola omunino wakula womeva pokati kOndangwa nOmutsegwonime. Oilonga yokulonga omunino oi l i metifa natango noya teelelwa i kale yapwa moule weemwedi 12. NamWater ota longifa eemiliona N$91 okulonga omunino womeva. Elongo lomunino womeva nalo ola teelelwa li kwafele okukandula po omhumbwe yomeva oyo ya kala ya dengela oshitukulwa kondongolondongo.
Omupopiliko wombelewa yakula yoshitukulwa shaShikoto, Petrus Nehale okwa holola ta ti ombelewa oishishi kutya moshitukulwa omuna omhumbwe yomeva nonghene natango otai pula ovakwashiwana ve li didimike nokudimbuluka oi l onga oyo epangelo la ninga nota li twikile okuninga opo li kandulepo omhumbwe yomeva moshitukulwa.
“Natango, omunino pokati kOmutsegwonime noKing Kaulume otau ka wedelwa,” Nehale ta ti.
Oshitukulwa shaShikoto osha dengwa kenota oulefimbo, omukunda da lopotwa di fike 300, mwa kwatelwa eefikola, oipangelo oshoyo oitaasi yopolifi.
Oikandjohoololo ya li ina oupyakadi womeva ngaashi Okankolo, Omuthiya, Omuntele oshoyo Nehale Lya Mpingana oili imwe ya mona ekwafo lemboola.
-wakudumoauleria@gmail.com