Opolisi moshitopolwa shaMusati oyili molukongo lwaalumentu 10 anuwa yiiyaka mondholongo Etitatu lyoshiwike sha ziko. Omupopiliko gwopolisi moshitopolwa shaMusati Anna Kunga okwa ti, aalumentu mboka oyii yaka mondholongo Onandjamba. 

Kunga okwa hokolola kutya kaye na natago uuyelele kutya aantu mboka oya tete ngiini oombuli dhiipeleki moka ya pitile. 

Ta ti sho kwali kwa ningwa omapekapeko otaku fekelwa oyendji ya piti oongamba ya yi moAngola. 

Aalumentu mboka anuwa yamwe Aangol a yamwe Aanamibia noya taalela iipotha inene ngaashi omadhipago, oma t e yo gomagumb o, omakwatokoonkondo nominyeka. 

Moshikumungu shayooloka kwaashoka, opolisi yaNamibia oya pititha omadhina gaalumentu yatatu ya dhipagwa oshiwike sha ziko kopolisi tayi keel ele oshikunino shiiyamakuti. 

Aalumentu mboka oyo Elifas Shali Kapembe (24), Nicky Nandiinotya Andreas (33), oshowo Immanuel Petrus (23), aakwaneezimo yawo oya tseyithilwa. 

Shikongo momushangwa gwokiikundaneki okwa li a holola kutya aalumentu mboka oya li ya dhimbululwa kutya oye li mEtosha sho kwa li kwa monika oompandhi dha pita dha ya moshikunino shiiyamakuti, sho kwa li taku ningwa opatolola. 

“Olyomakaya aanambelewa taya gamene Etosha oya li yi itopola moongundu mbali, noya yi molukongo. 

Aafekelwa mboka anuwa oya li ya tameke oku umba aapolisi sho ya ndimbulula kutya oye liwe mokashoko,” ya shanga ngaaka. 

Taya ti, nonando ya li ya taambathana okuyahathana, kape na nando omunambelewa gwaamboka taya gamene oshikunino a moni thwa oshiponga. 

Shikongo okwa nyola kutya aafekelwa mboka oya li ya adhika noondjembo ndatu, nayimwe yo muyo kayi topa ngele tayi yaha. 

Shika oshikando oshitiyali nuumvo aanambelewa ya gamena osh ikunino shiiyamakati taya yaha aantu taya si mEtosha. 

Omasiku sho ga li ga 1 Mei nuumvo aalumentu yaali oya li ya yahwa nokusa kaanambelewa taya gamene ehala ndyoka. 

Natango otaku hokololwa kutya aafekelwa mboka okwa li ya tameke okuumba aanambelewa. 

-vkaapanda@nepc.com.na