Lahja Nashuuta

Baeteleli ba Affirmative Repositioning, Rally for Democracy and Progress hamoho cwalo ni Popular Democratic Movement babata kuli liketisa zefelile cwalecwale zakuketa Mueteleli wanaha ni bayemeli bandu ya milao likutele. Likopano zetalu lipaka kuli liketisa neli tezi mafosisa, mi basupa butata mwakamaiso ya liketisa, kekezo ya mazazi amalalu akubota mwa libaka zeketilwe, ni kufela kwa mapampili akubotela kwa libaka zeñwi.

Mueteleli wakopano ya RDP Mike Kavekotora ni Muñoli yomuhulu wakopano ya PDM Manuel Ngarigombe viki yefelile nebakutezi mayemo abona akuhana linepo za liketisa, mi neba ize kamaiso kaufela nesina tukuluho ni bunde. Kaavekotora ubulela kuli liketisa nelisika fita famayemo sakata amilao ya tukuluho. Zeo halili cwalo, muzamaisi wa AR Job Amupanda niyena naize liketisa neli tezi buputeleli ni sobozi. Ubata kuli liketisa likutele.

“Lusiala mwa maikuto aluna akuli liketisa halisika zamaiswa hande, mi neli za sobozi. Batu ba balifiwa ni masheleñi ababakutisa mutelo, kacwalo haluna kufa ECN mwamazoho alibangoki ze. Haluna kuyubeka naha yaluna,” nekubulezi mulwaneli waliswanelo za sicaba ya fetuhile muuna walipolitiki. Kopano ya PDM nefumani maboti alikana 55 412 (4.7%), kopano ya Amupanda ya AR nefumani 19 676 mwaliketisa zakuketa mueteleli wanaha, ili kuyemela 1.77%.

“Lumwa ndwa. Ki ndwa kuluna. Kamaniti, lulela kuli kukutela liketisa kona feela nzila sakata mwanaha Namibia. Halutokwi kukolwisa batu mwataba ya liketisa. Kukutela liketisa kona feela nzila yende. Neni hupula kuli batu kaufela baka lumela kuli liketisa ze, neli za mbwashula,” naekelileze. Kavekotora naize kopano yahae haina ku amuhela kapa kulemuha linepo za liketisa. 

“Patalazo ya ECN nebonisa fokusweu kuli neli muleo, kakuli kakuya kabupaki bone lufumani, nekusina libaka kuli mapampili akubotela afele kwalibaka zakubotela. Kokusina buikalabelo sakata. Neli mulelo ozamaelela ni kopano ya Swapo. Neli mbwangeya. 

Libaka zeñwi zakubotela neli laezwi kuli basike babala liketisa kasamulaho a 21h00, babañwi neba laezwi kuli bakwale. Babañwi neba bulelezwi kuli basike bakwala. Nekusina toloko kuli liketisa liyandululwe isi kamulao kamazi amañwi amabeli,” nabulezi.

Ngarigombe naize: “Patalazo ya liketisa haina tukuluho, bunde kapa buniti. Haluna kufita famayemo aswanela kamo liketisa lina ni kuzamaisezwa mwanaha yelukuluhile haiba taba ye inge isiiwa feela isa lwanisiwi. 

Lubata kusikuluhela kwamulao hala liketisa ze. Luka bona kuli taba yeo ya ezahala. Kacwalo, haluyo mwa kalulo ya zeo zene patalalizwe ki katengo ka ECN Labubeli,” nabulezi. Napatuluzi kuli PDM ibata kuli liketisa likutele kakuli zene ezizwe liswanela kubeelwa kwa tuko kakuba za “bango ni mbwashula.”

Mwahala liketisa kaufela katengo ka ECN nekaize buikalabelo bwa niti bumwamazoho abao babalwanisa kamaiso. Mwa maikuto akatengo, liketisa nelisina katowati. “ECN ne shalimezi liketisa zene ezahala mwanaha kaufela. 

Lukolwa kuli liketisa zeo neli ezahalezi mwa silalanda teñi baketi neba lukuluhile kuketa mueteleli ni likopano zebabata kusina sabo, kuputelelwa kapa kusundwa. Lukolwa kuli linepo… lisupeza tukuluho ya baketi. Katengo, kacwalo kapatalaza kuli liketisa neli ze lukuluhile, zende ni ze sanyazahali ze zamaelela ni milao ya ze ezwa mwalifasi kaufela ,” nekubulezi muinasipula wakatengo ka Elsie Nghikembua.