Duits!hūb khoe-aogura, Kat Stahli tsîra ge mûmûsa kai ǀkharaǀkharasiba ǁîra ǀō-aisa ǀnōǁnâdi !nâ-ū ge dī. ǁîra ge ǀAeǁgams !nâ hū bēgu ǂgaemâi!khaigu tawa nē īsa tsî ǂâiǂgae ra ǀnōǁnâde dī hâ.

 ǀAeǁgams di !ā!khōmais mā-ams ǀkha ra ge nē khoe-omgura ǁîra ǂâiǀgauga ǀnōǁnâ, ǂhâbasa xūna ǁama tsî ge ǁnāǂgō. 

Nē projeks hîa kurirona !kharuhâse ge tsoatsoas ge bēgu mâ-amde ǀkhara ǀûba îxa ǀnōǁnâsa īsigu !nâ-ū ge mā. 

ǂGuro ssenni âra ge Kwame Nkrumah !Ganni, Ludwigsdorf ǁanǁguib ǀAeǁgams dib !nâ ge tsoatsoa. ǂGaiǂams ‘!Uru Namibiab’ ti hâs !naka di ge ǀnōǁnâde hâ tsî dītoas ai namibiab !aub ǂnamipeb tsî ǀguruna ra ǁgauǂui.  “Kaisen ge hoa xūise ra ai!gû, xawem ge nēsi aibe nē sîsenna mâ kaihâ, Namibiab !nâm a khais ǀkha.  !Khare!âb kurib dibam ge Duits!hūb !nâ hâ tsî ǁkhawa !goaxa kurib di !Khanna xu Namibiab !nâ nî hâ tsî mâm gepa xu nî !kharu!kharu,” ti ra ge ge mî. ǁÎra !omgu sîsenna !harasa ra ge a !âu ǁoa tis tsîna ra ge gere mî.  ǁÎra ra mîsa !oa ra ge nēsi aibe ǀnîhâ ǀkhara projek-i ai ǂâisa ǂnûi tide, xawe bēgu mā-amdi ǀkha ǀgui nî !kharu!kharu, ǁnāpa di noxopa ǂaunade ǀkharaǀkharasiba ǂhâba hâ xui-ao. Projeksa tsoatsoa-ūs maris ge -îra ǁhōsa xu ge ǂoaxa, xawes ge Duluxsa ega ge ǂgâxa -ǁîs huib ǀkha. 

“Sima huiba ra mā ǂnûiǂgādi ge !gâi ǂūba ūhâ tsî khoexa!nâsiba hoaǁae ra ǁgau tsînm ge ganganxa ǂgaogu ǀkha nēsa ra !khō!oa, ǁîn osem nēsa ǀguri dī ǁkhā tide amaga,” ti ra ge ge mî.  Stals gere mîs ge, tsoatsoas ai ra ge !aob ǀkha khoen nî mā-oa !nurigu ǂnamipe hâ isa, xawe ra ge ǁnā khoen di !nurigu tsî ǂgaoǂgao!nâdi ǀkha ge ai!gû. ǂGuro !âb di bēgu mā-amde dītoas ge 20 irga !nona wekhegu -ǁaeb !nâ ge !khōǂgā.

ǁÎs ra mîsa !oa ra ge hoara ǀoasa sîsenga ūhâ, ǁîsa ǁgau!nâ-ao tsî ǀhōsaba videoǀhurun ǀnōǁnâde dī tsî ǁguiǂuiga ra māse. !Gâise nē projeks ǀkha noxopa ai!gûsa ra ǂgaoǂgao!nâ ra !khais ge, ǁanǂgāsaben ǁîra sîsenna kaise ǀnam tsî ra !gôa!gâ !khaisa.

“Kaise ra ǂoaǂamsa !nuriga ra !khō!oa !khais ge ǂgom!gâba ra mā ra, ǀAe-gams !Ā!khōmais ǀkha ǀhûhâse ra !hūǁî ǀnōǁnâ-aon ǀkha !hûǁare tsî ǀAeǁgams di nau ǁanǁguigu, Katuturas khami, nē ǀnō-nâdi ǀkha nî ai!gûsa,” tis ge ge mî.