KATIMA MULILOS – Zambezi ǀkharib ǀawa!namn ge !nona !khōsabega ǁkhawa !khōsis !nâ ge ū, ǁnā ge a duniǂoa 13 !khōsabena xu. Nē khoen ge Kongolos !khō-oms !nâ ǀgora!gâs tsî ǁkharaba !âuhâse ge hâ i tsî Kongolas !khō-omsa xu ai!â ge ǂoa Sontaxtsēkam !oea ge duni. !Nāsa !khōsaben nēn din ge a Zambiab di !hūǁî. Hoa !nona !khōsaben ǁkhawa ge a !khō-oahen ge Kongolas !â!âb !nâ ǀhao-ūhe tsî ge ū-oahe. !Khōsaben ge !uis di ǂûsan gere māhe ǁ-aeb !nâ ǁnān ge dīse dī tsî !khō-omsa xu ge ǂoa. 

Zambesib ǀawa!namn di mîgowaba-aob, Kisco Sitalib ge ge mî, nē !khōsaben ge ǁnā -ǁaeb ai ge sîsenni !nâ hâ i ǀawa!namna ǀgaib ǀkha ǁgoeǂam tsî a dunihōsa.”!Khōsaben ge ǀawa!namna !uis di ǂûs ǁaeb !nâ !gôagu ǀkha ǁnāǂam tsî ge !hae ǁaeb !nâ ge !khoeǂoatsoatsoa. 

ǀGamn ge ǁkhā ǁaeb ai ge !khōhe tsî ǁgui-e ǁkhā !oes !nâ,” tib ge ge mî. ǁÎb ge ǀhûhâsigu ai ǂgansa ge dī, in ǂōrisase hâ tsî khoen hîa -ǁîn ǀhûhâsigu !nâ a ǀūsana kōǀgara tsî !nuri. “Nē !khōsaben ge ǀkharati ī, ǁîn ǁharona ana tama i, jeans purukhoega ana tama i tamas ka I o belt-e ūhâ purukhoe-I tsîna ǁǂgaeǂgā tama hâ tsî ǁkhāti ǂû-e nî ôamāse īsa. 

Nēti ī khoena du kara mû ǁaeb ai sa ǀgūse mâ ǀawa!namn beros tawa  !nuri re,” tib ge mîgowaba-aoba gere ǀkhoma. 

Sao ra di ge ǀondi nē ge a !khoe !khōsaben dide; ǀgam Zambiaǁîkha, Imasiku Sitalib tsî Kayo Shwena hâkha. Sao ran tsîn ge a Zambiab di !hūǁî; Matuso Thomasi, Siyanga Nakwetib, Muyuna Shadricki, Muyunda Musheb, John Mwelwab, Joe Muboneb, Mwenda Muyundab tsî Lusho Ketanob hâga. 

ǁKhāti nē ge !khoe !khōsaben ǁaegu hâb ge Kaumba Kaumbab hîa a Angolab di !hūǁîb tsîna. Namibiab di !hūǁîsekha ge Taezo Kaineb tsî Mashabangu Mateuhâ kha.