Ozondekurona azehe zOtjiṱiro Otjindjandja nderi mOtjomuise maze kuua okuworonganena poruveze indui rOmihoko Omikutasane mOkatutura mondivitivi peyuva rongumbiro okuzemburuka tjiyari 12 ku Rozondu mo 1904.

Ndiri eyuva ondjembo tjiyaposa mOkahandja ovita tji vyautira mOkahandja okupirura ohuurire yEhi rOvandoitji. Nandarire kutja indji ondunge ndjazu mOkomiti yOzom,bara tjiva zOvaherero nOvambanderu, ohunga nOtjitiro Otjindjandja tjtjiheri tja karive okutja kangamua ondekurona yatjo otji ma ikuuwa peyuva indi oro nda tua otjeyuva rongumbiro nu  mauno ndi ma ri hongorerua po iyozombongo. Pendje nounepo wozombongo mburi momuzaro wawo pekepeke wozo mbongo zawo, ozondekurona ma ze zerua momuzaro omuzoozu kutja nandarire okarapi okazoozu  uriri mbuheri imbo omuzaro auhe omuzoozu. 

Pendje notjiungura tjozombongo, ozondekurona wina maze undjirua okupewa zondjivisiro pekepeke ongondroka nozo ngondjero zOtjitiro Otjindjandja ndu ma ze handjaurua kouye wina oku tuurungira mozonganda zozombuze tjinga wina ama pekara ombongarero yozombuze. Movinenge ongodnoroka nongondjero yo Tjisuta, muna ondjivisiro yOkambineta omueze mbuazuko kutja oyo yayakurire Onduvasaneno Yapamue, ndjri Ojoint Declaration, ousupi OJD. Oyo ndjiri onduvasaneno pokati ka Namibia nEhi rOvandoitji motjisuta tjOtjitiro Otjindjandja. Oyo nai ndja kuramena okutuwa omunue kembo iyozohoromende zomahi ayeevari inga. 

Ongumbiro indji yatandua Osondaha okuza mombari ovakambure tji va kaza kozombongo zawo. Posi ya ovitjitua imbi kavyo zo ngamburiro uriir nunguari wina otja tjari ovita vo mo mu zaro wovita mombazu orupa orunene rovitjitua imbi nu munao otji a veningirua oku tuurungira movahona vawo vomarapi okuya momuzaro wawo no ku ye kukara novitjitua vyovita mbi ve kara navyo. 

Tjiyari 12 ku Rozonḓu mo 1904 ondari eyuva romautiro wovita kuNehi rOvandoitji, ovyo mbya kayanda mo 1908. Momayandero wavyo mo 1908 otjiwaṋa tjOvaherero  tjandje tja ṱukuṱuka nomaṱunḓu nozonganda zatjo za nyanyaurua tjahaṋika tjarimbara. Otjihupe tjatjo  ndinondi tjikarire tjomahi wozonganda  tjimuna Otjauana na South Africa.