Omukeleli womaliko kwa li ta longele koshipangelo shaNandjokwe ota ningilwa omakonakono kopolifi konima eshi ponhele opo kwa li ta longele pa vakwa oilongifo yokutungifa.

Oshivike sha dja ko koshipangelo shaNandjokwe okwa vakwa oilongifo oyo kwa li i li ponhele opo ta pa tungwa okanyofi. 

Oilongifo oi li pongushu yoshimaliwa N$130 000.

Omukulunhuwiliki wouhaku moshitukulwa shaShikoto Joshua Nghipangelwa okwa koleka oshiningwanima eshi.

Opolifi oya hokolola tai ti omulumenhu weedula 28 ou kwa li ta longele pokanyofi okwa fiya po oilonga efimbo longula lwopotundi 11h00.

Okwa lombwela omuhona waye kutya okwa mona po oilonga imwe. Opolifi oya hokolola tai ti omukeleli womaliko ou a tameka oilonga efiku olo komatango okwa hanga onduda omo hamu tuvikilwa oilongifo ya tewa.

Fiyo opapa kape na oilongifo ya monika nomakonako opolifi otaa twikile.

Opolifi otai indile moshiwana kwaau ta ka mona omunhu ta landifa oilongifo opo shi lopotele opolifi.

Oilongifo ya vakwa po oyehangano loAugust 26 olo le lipyakidila nokutunga okanyofi koshipangelo shaNandjokwe.

Okanyofi aka oko kamwe taka ka kala ka kula moshilongo ke na eembete 90.

-fhamalwa@nepc.com.na