Namibia okwa tumbalekwa molwaashi e li ponomola onhi-4 moilongo oyi ina eameno li li nawa menenedu laAfrica.
Edi oda popiwa mexuliloshivike kehangano Altezza lovapashioni nomalweendo li li koshilando Kilimanjalo koTanzania.
Omukandapitifo wa dja kombelewa yomupopiliko mounisteli womidingonoko, ovapashioni neefuka Romeo Muyunda owa ti Namibia okwa tangwa kutya oku na ombili nelongelokumwe.
Muyunda okwa ti ombili neameno ola fimana moshilongo, naashi osha eta Namibia opo a pewa etumbuleko okudilila kondje yoshilongo.
“Ovapashioni ngeenge tave uya moNamibia ove ne eameno. Namibia ota twikile okukwashipaleka kutya ovapashioni ova amewa molwashi otashi yandje efano liwa,” ta ti.
Muyunda okwa weda po ta ti ngeenge ovapashioni ove li meameno naashi otashi eta opo va dule okutwikila tava talele po Namibia.
Okwa ti oshikondo shovapashioni osha fimana molwashi otashi kwafele okuyambula po eliko loshilongo.