Munonakurona pamberewa Edda Bohn katente asi nosure mwaza sirongo vahepa kutura ntere silinga zongandi omu navakaruganesako projeka ezi zokulivatera nazo vanona kadona, omu navaranda yininke yina yokuruganesa nsene mukadona komwedi ana kara. Projeka ezi kuna kuzitumbura asi dignity , meraka lyovakwetu vazera. Projeka ezi kuna kugava hena nonnsewa nayimwe ngoso yokuruganesa yipo okare noukanguki.
‘’Nkenye sure kuna kuzindindira zikakare nelikwamo eli lyo dignity omu nava kapunguramo yimaliwa melikwamo eli luka vatere nkenye munona, omu muna kara asi mukare silinga zelipakerero pwahana kutara asi mukadona musinke vana kuvatera-ano vanona wovamati vahepa kugwana nsewa ntani deodorant, makura vatulisepi nkenye gumwe alizuvhe asi pweli nage,’’ Bohn katente nkera posiruwo segavero yihepwa eyi yovanona kadona koministeli zerongo kayitundire ko CRAN Namibia.
CRAN kageve uhwi ou wokuruganesa siruwo simwe tupu kovanona wovakadona konosure ngwendi Ondao mobile primary school moKunene region, Ndora memorial secondery school moZambezi region, Kaisosi primary school moKavango zoupumezuva ntani Hanganeni Primary school moErongo region. Nkenye mukadona tagwana sipakote simwe sokuruganesa ruvali ngoso. Ano eyi yimwe kuvhura kuyiruganesa nampili nomvhura ne ngoso unene ava vana kara momapondokwa gonosure yimo ana kutanta mugavi mbudi gwaCRAN Katrina Sikeni. Mukurona gwaCRAN Emilia Nghikembwa katente asi awo nawo vanatamburako egano eli katulisirepo ministera gona gomapukururo emma Teofelus, omu kahundilire wombongarero zanavenye valiyongeko omu navapira kutura mutero kopads ndi vahoreko mutero kwayo moNamibia. Munonagona ogu ana kara mombongarero zanavenye katere maruha gavali kugusako mutaro ndi kusesupika mutero omu ana kuyimona age asi kuvhura yikare ngwendi muteroko nani kwato.
‘’Vanona womoNamibia vahepa kukara mosure ano gaCRAN, ose kuna kukwatesako asi egano eli lyahepa kuliliyonga mombongarero zanavnye yipo vatjindje veta vapire kuturako mutero yipo asi vayiruganese nkenye gumwe ogu ana kara komwedi yimo ngoso ana kuyitanta ministeragona gonombudi nomapukururo Emma Teofelus.
– psiririka@nepc.com.na