Abraham Mwanyekange 

Eengudu detanga da kula mbali oda holola kutya ita di ka kufa ombinga mekopi lo Namibia Football Association neudo. 

Eendudu edi odo Tigers Football Club osho yo Bucks Buccaneers. Eengudu detanga edi oda nyolela koNFA omikanda odo da holola kutya itadi ka kufa ombinga mekopi loNFA neudo. 

Buccaneers okwa ti oshimaliwa osho sheva ya moshipala. 

Ova holola yo kutya ongudu oina okufuta ovadani keshe komwedi. 

“Otwa pumbwa oshimaliwa shi fike N$420 000 okudja mu Mei fiyo omu Juni opo tu dule oku kufa ombinga,” tava holola ngaho. 

Omunashipundi wo Buccaneers Disco Naruseb okwa ti ekopi kali mo loo inalikala mo momafaneko ospaana yavo. 

“Otwa lombwelwa olata. Dimbulukwa kutya otuna kufuta eenduda dokunangala, oilongifomwa oshoyo omahooli. Aishe oyo oina ondilo,” ta lombwele NFA momukanda ngaho. Ospaana yo Tigers nayo oya nhukila pomutenya kekopi la NFA. Omunashipundi Nelson Akwenye okwa ti navo ova mona eshiivo kwa laata. 

“ Olixa eshi ya pwa muMalitsa, fyee ovadani vetu osho yo ovadeuli otwe va efa vaye momafudo. Naasho osha ulika kutya ohatu fuda po manga,” ta ti. 

Okwa wedako ta ti oshidjuu okwaalula ovadani nomudeuli vatameke omalilongekido. 

“Oshina unene ondilo onghee ita tu dulu”, Akwenye ta shiivifile oNFA momukanda. Akwenye okwa weda po ta ti o NFA ina i yandja oimaliwa yoku kwafela eengudu detanga. Okwa ti itava dulu okulifutila voovene. Eengudu detanga adishe dopavali oda shangela ku Hamushanga omukwafeli wopokafimbo woNFA Mabos Vries momafiku 6 May 2026. 

Eenhumwafo adishe oda monika kuKundana . Ekopi ota li tameke mexuliloshivike omu nota li danwa palandulafano deelixa adishe moshilongo. 

Okudja ngaho kolixa yootate onhinatu fiyo oyopombada osho yo olixa yopaitukulwa yoomeme fiyo oyopombada moshilongo. 

Ovafindani ota va ka pewa oimaliwa. 

-amwanyekange@nepc.com.na