Auleria Wakudumo
Ombaanga yaNamibia otai ka pitifa oshimaliwa tashi ningwa okudimbuluka omupresidente nale Hage Geingob nena po 09h30.
Oshimaliwa osha li shi na okupitifwa momafiku 10 Febuluali 2025 ashike osha li sha shunwa monima molweefya domukokolipresidente Sam Nujoma.
Omukulunhuwiliki woBank of Namibia Johannes !Gawaxab okwa li a holola mo21 Januali 2025 kutya oshimaliwa otashi ka ndulukwa okudimbulukwa oilonga yaGeingob nelitulemo laye okukaleka po ombili nelandulafano moshilongo.
!Gawaxab okwa weda po ta ti oshimaliwa itashi ka dimbuluka ashike olweendonghalamwenyo lomupresidente nale ashike otashi ka dimbulukwa nokutyapula olweendo laNamibia ongoshilongo novaleli vaye.
“Otashi ka kala etumba loshilongo, tashi ka yandja ehongo mondjokonona yoshilongo nokomapipi taa uya,” !Gawaxab ta ti.
Omupresidente Nangolo Mbumba oye ta ka kwatela komesho oshinima eshi.