Ovakulupe novanhu ve na oulema, hava kwatele oshimaliwa shavo shopendjela kopoosa paife otava dulu okunana oshimaliwa shavo. 

Omupopiliko kouministeli woukashike kookanhu nonghalo nawa yokaana Lukas Haufiku okwa koleka ta ti ovakulupe paife otava dulu okuya kopoosa va kananeko oshimaliwa shavo.

Okwa yelifa ta ti eyandjo loshimaliwa pitile kopoosa alushe ketameko lomwedi upe ola li la mona omashongo, ashike oupyakadi ou paife owa kandulwa po. 

“Ouministeli wetu otau yandje ombili molwoupyakadi ou kwa li va holoka po. Otwa pandula eshi ovakulupe ve li didimika fiyo omukundu tau kandulwa po,” ta ti.

Okwa ti oshi li oshikando shotete oupyakadi ou tau didilikwa kopoosa.

“Ngeenge otwa ka didilika vali oupyakadi woludi e li ohatu ka shivifila ovakulupe pefimbo opo ku kelelwe ovanhu hava ende oshinano shile vau ka keepoosa,” ta ti. – fhamalwa@nepc.com.na