Okaana kokakadona keedula nhatu oka xulifa eshi ka wila mondobe yomeva pefimbo ka fiwa mepya kuina.

Oshiningwanima osha ningwa Osoondaxa komukunda Oniiwe, moshikandjohoololo shaNayena mOshikoto efimbo.

Nakufya okwa tongolwa oye Patricia Dumingu a dile koAngola.

Ovadali vokaana aveshe ovakwashiwana vaAngola nove li ovanailonga tava longele meumbo komukunda oo.

Omukonakoni woimbuluma koshitukulwa shaShikoto, omupedu Commissioner Titus Ekandjo okwa hokolola ta ti okaana okwa li ke li naina momuti u li mepya efimbo lomutenya.

Ina vati okwe ka fiya momuti, a ya meumbo a ka tala oshikundu. Mokwaaluka okwa mona omona tai mondobe yomeva nokudja opo okwa endelela aye kondobe oko, awhile okwa hanga nale okaana a wila momeva.

Opolifi oya ti omukainhu okwa kufa mo okaana momeva ndele te ka twalwa koshipangelo ashike oka fika ko ka xulifa.

Ota ku hokololwa kutya eumbo lavo ola kondekwa keendobe domeva osho shi li sha nyika oshiponga kounona.

Opolifi otai twikile noku kumaida ovadali opo va tonatele ounona vavo unene tuu omaumbo oo e li popepi neendobe domeva.

Ovadali ova kumaidwa opo va kwa shipaleke kutya ova holeka omavela omeva meenduda molwashi okwa didilikwa ounona va ninga oihakanwa yokuwila momavela omeve. 

– fhamalwa@nepc.com.na