IMPALILA – !Hū!nāsi ǁHōn ministeri, Albert Kawanab ge Zambiab kurisab ǁî ǁkha ǀgui !harosa tanihâba ge ǂgan, îb ǁnâugus hîa ge ūhes in hoa ǀgam !hūkha di ǁanǂgāsabena mā-amhe nē !hūǀgorasa ǁGauǁgausenkartdi (ID) ǀkha !gâus disa sîsentsoatsoa kai. 

Kawanab ge nēsa gere mîba !khais ge, Namibiab tsî Botswanab hâkha ge ǀnai a mā-am tsî sîsenxa kaisa, nē ǀgam !hūkha ǁaegun nî ǁanǂgāsabena Buitepos, Ngomas, Impalila !Nā!nuis tsî Mohembo !hūǀgoradi tawa ǁGauǁgausenkartdi (ID) ǀkha ǂgâ ka ǂoa !khaisa. 

24 !Khanǀgôab 2023ǁî kurib dis ai kha ge Namibiab tsî Botswanab hâkha ID kartdi ǀkha ǀgui, passports ose ǂharugub tsî !narisarimadi ǀkha 90 tsēdi ǁaeba !hūb !nâ hâsa ge sîsentsoatsoa kai. 

ǁGauǁgausenkartdi (ID) Kawanab ge ǂoa ge wekheb Denstaxtsēs aib ge Machenje !gâu-ams Namibiab tsî Zambiab hâkha ǁaegu ǁgoes tawa ǀasa beros tsî sîsenaon hâ!khaib tsîna gere ǁkhowa-am soab ai  nēsa ge mî. 

“Namibiab ge a ǂhomisa ǁnâuguxoaǁguiba xoa!gao tsî sîsenxa kaisa, sida ge Botswanab ǀkha a dī khami,” tib ge Kawanaba ge mî. 

Machenjes di !hūb !nâ ǂgâ tsî ǂoas !hūǀgoras di ǂhanusi ǁkhowa-ams tawab ge !nakaǂnôa ǂguro minister tsî ǁkhāti a sîsengu tsî !nari!oabadi ministers tsîna īb, John Mutorwab hîa ge nē ǁkhowa-ams ǁaxasiba ǁhao!nâ hâ iba ge mî, ǁîb ǀgaisa ǂgom!gâba ūhâ Namibiab tsî Zambiab hâka ǁaegub ǂharugub !hûǁarede nî ǀarosen !khaisa tsî ǁnās ǀkha kaise a ǂhâbasa sîsenmās tsî sâuǁkhāsib ǀomkhâis tsîna nî īǁkhā kai !khaisa. 

“Nē !hūǀgoras ge ǁnāti ī !norasasiba sida khoen tsî sari-aon tsîn hoana nî mā, nēsisan gaxu daoga !nari tide ǂhanusi mā-amsa aibe hōs, nē !hūkha di ǀguib !nâ ǂgâ tamas ka i o ǂoas !aroma” tib ge Mutorwaba ge mî. 2023ǁî kurib !nâ kha ge Namibiab tsî Botswanab hâkha ǁnâuguxoaǁguiba ge xoa!gao, ǁîkha di ǁanǂgāsabena passports ose nē !hūkha !nâ IDs ǀguis ǀkha ǂgâ ka ǂoasa ra mā-amsa.