Okakadona keedula omuwoi oka kwatwa onghonga komulumenhu wambulavo weedula 29 omo vati a hekela okaana eenghaku dipe.

Oshiningwanima osha ningwa omwedi wa dja ko meumbo lavo komukunda Ondjandjo moshikandjohoololo shaKaku.

Omukulunhu koshikondo shokukonakona oimbuluma wopolifi mOshana, omupedu Commissioner Fredrik Ndjadila okwa hokolola ta ti inakulu yokaana okwa ya monduda yavo yokunangala ndele ta hange mo eenghaku dipe di li koshi yombete.

Opolifi oya hokolola tai ti okudja opo omukulupe okwa pula nakuningwa oshihakanwa ndele ta lombwele inakulu kutya okwa landelwa eenghaku komufekelwa.

Okaana oka hokololela inakulu kutya oka kwatwa onghonga komufekelwa konima eshi ka pewa eenghaku.  Omufekelwa okwa kwatwa po nota holoka momhangu nena.

Opolifi oya kumaida ovadali opo va kale va kotoka ngeenge ounona ve li momaumbo novalumenhu molwaashi okwa didilikwa ounona va ninga oihakanwa yokukwatwa onghonga kovapambele vavo.

-fhamalwa@nepc.com.na