Minista woukashikekookanhu nonghalo nawa yokaana Emma Kantema okwa ti 70% dovanhu hava landifa momapandaanda ovakainhu. 

Edi minista okwe di popya Etivali komutumba wovanangeshefa oo uli koWindhoek. 

Kantema okwa ti osho otashi ulike kutya ovakainhu otave shi endifa nawa okulwifa ondjala noluhepo. 

“Ngeenge owa i momapandaanda oto hange mo ovakainhu vahapu tava landifa oilandifomwa ya yooloka,” Kantema ta ti. 

Ovangeshefa va yooloka ove li komutumba ou okupewa omayele nghene ve na okukalekapo eengeshefa davo tadi xumu komesho. 

Minista okwa ti ovakainhu tava landifile momandaanda ova taalela omashongo oshimaliwa shokuyambulapo eengeshefa davo. 

Okwa ti epangelo ota li twikile  okuyambidida ovanangeshefa va shona noikwafifo shaashi otashi kwafele okulwifa ondjala noku eta po eemhito doilonga. 

Oshivike sha djako ouministeli woukashike kookanhu owa yandja oikwafifo kovanangeshefa va shona kOutapi. 

Okwa ti moNamibia omu ashike na ee13% dovakainhu ve na eengeshefa dashangifwa kepangelo. 

Okwa yelifa ta ti ovakainhu mboli ova taalela omashongo a yooloka ngenge tashi ya peengeshefa davo. 

“Epangelo ota li kwashipaleke kutya moshilongo omu na oufike pamwe wovakainhu novalumenhu ngeenge tashi ya koshikondo shomangeshefelo ngaashi naana moshilongo mu na oufikepamwe ngeenge tashi ya pokulela,” ta ti. 

Okwa pula epange l o, omahangano opaumwene novanangeshefa va kula opo va yambidide ovakai nhu okuyambulapo eengeshefa davo. 

fhamalwa@nepc.com.na