RUNDU – Omukainhu weedula 48 okwa anyenwa omhito yokulifutila modolongo komomhangulilo yaMangestalata waRundu mEtitatu molwonghendabala yedipao lomusamane waye. 

Maria Namutenya Neromba okwa holoka komesho yomupanguli George Matali, ta tamanekwa eshi vati a fulukifa omaadi okulya ndele te a tile omusamane waye manga a kofa. 

Omusamane vati okwa pya neenghono moshipala nokoilyo imwe yolutu ngaashi omaoko nomedimo. 

Neromba okwa tulwa moipandeko kopolifi yaKavango West Etivali konima eshi a patululilwa oshibofa komusamane waye, Kapumburu Jacob Katanga weedula 48. 

Opolifiinaihololakutyaomolwashike Neromba a ninga etokolo lokuxwika omusamane waye nomaadi a fuluka ashike ouyelele ou otau ka hololwa vati momhangu oshikando sha landula ko. 

Oshibofa eshi osha undulilwa komafiku 04 Sepeteba 2025 opo ku ningwe omakonakono omoule. 

Omupanguli wepangelo okwa holola kutya Neromba ina pewa elifutilemo shaashi okwa longa oshiningwanima shikumwifa. 

Otaku hokololwa omufekelwa nanakuningwa oshihakanwa ve li ovalihomboli, va yambuka momukunda Mayara moNkurenkuru. 

-jmuyamba@nepc.com.na