Rudolf Gaiseb
Evango lyaNaTIS moKaribib ngesi kuna kara nelikwamo lyokuliwapayika, omu vana kulindindira vakamane kuliwapayika mokatji kokwedi kwaSiwogedi.
Ministeli zougendero kaziyinkondopekere asi makona kono gokutjanga kapi gana yigumu yangesi, mevango olyo lyaKaribibi siruwo nasinye oso vana kuwapayika, ano kusingako nye kwene vanakuhagekesa.
Apa nye kahuyungire sivike sina puko mombongarero zanavenye, ministera Veikko Nekundi katente asi, ano eyi nye vana hagekesa apa ngesi kunakara nye asi nayigwana oku navakavatera vantu konodoropa dopo pepi. Eyi kuna kara asi kuvhura nye oyirugana ngwendi moOkahandja, Windhoek ntani nodoropa dekefuta. Ewapukururo eli kuna kara asi epangero lina litutramo mokuwapukurura mavango getu, tugariuganese monaruwa, nokugava nye yirugana moomu yawapera kovantu. Nampili ngomu nye tuna diova asi nayireta matangayi aga vana kugwana vatungimo vetu, ano ewapukururo lyangesi mulyo unene mosiruwo sokomeho sosire ntani omu natutwara komeho ekeverero lyelikwamo lyokugava nombapira dousingi’’ yimo ana kutanta Nekundi.
Age katente asi ewapukururo lyangesi kuna kara asi evango lyetu eli kapi lina wapa, kuna kara asi mokuliruganesa udigu unene eyi nye ayitwaredere asi nombapira dousing kuna kara asi kapi yina kugendapo nawa.
Body of Christ party Presidente Thomas Festus kapulire epuro mombongarero zanavenye mokwedi kwaKudumogona, konyima tupu apa nosayitunga tageve mbudi zangesi, omu gatente asi kutara mahauto asi gana wapere kugenda monzira, kulideura kusinga ngesi vana yihagekesa kutunda mo 6 Nsinano 2025, udigu wendi kwakere asi yirugana eyi ava gava kovantu sili nayikara moomu yawapera ndi. Nekundi katente asi yousili nawo kunakuyimona asi yirugana kobvantu vetu kapi nayigenda nawa nye awo vana hetekereko moomu vavhulira vature marongikido gomawa. Minsteli, kuna kurugana kupitira moRoads Authority, vature mosirugana ehauto lina lyakara asi kugenda noyitruganeso nayinye yokukona konesa.
‘’ Kuna zinye mosirugana kutunda mo 19 Nsinano 2025, MVTS kuna vapenye sirugana sokutanta asi nkenye eyi vana kuruganesa yahepa kukara pevango nkenye ezuva.
Eturo moyirugana kuna kuyitara momunene pkatji komberewa zaKaribib ntani zaRehoboth mokugava yirugana yina wapere,’’ yimo ana kutanta ngoso.