Opuwo- Ezi vanatotapo sinkwa ntani mbunga zonokukarumbasana monodoropa vana kutumbura asi ASOLI tazi karumbasana monodoropa ngwendi Khomas, Otjozondjupa, Erongo ntani Oshana ngoso.

Mbunga politika ezi kazilitjangesere sinkwa ntanio kombunga zokugendesa mahoroworo moNamibia, mbunga ezi kazikere tazitanta asi awoi kuna kukahamesera moWindhoek, Karibib, Swakopmund, Ongwediva ntani Otjiwarongo momahoroworo goukansela womukunda ntani kovakansela womodoropa mahoroworo aga naga kakarako mokwedi kwaMangundu 26, 2025. 

Mokupitira nye monosayitunga kageve moune una puko,  Asoli presidente Joseph Kauandenge katente asi mbunga zendi kuna kukura mokutara makwedi gatatu aga zina kara paveta kuna kumona asi tuna piti nare omu twagazarere. 

Moomu nye asi mbunga zomahoroworo zina gava nye asi mazuva musinke natukakara nomahoroworo ntani asi ezuvake nombunga nadivhura kukalitjangesa. Ose tuna hara kutantera vantu asi Asoli nakahamena momahoroworo monodoropa edi dina kukwamako, Ongwediva, Swakopmund, Otjiwarongo, Windhoek ntani Karibib,’’ yimo ana kutanta Kauandenge. 

Age kahundilire owo vana gwanesa nomvhura 18, ntani wowo nye vanatjindji mavango gawoi gokutunga vaze vakalitjangese melitjangeso lyokukwateramo eli nalikakarako mokwedi kwaSiwogedi. Asoli kuna kukwatako vahorowoli wovadinkantu. 

Awo kuna hara kutjindji una politika omu vana hara asi vawapayike vanona ndi vadinkantu vakara tavakapangera,’’ yimo ana kutanta. Age simpe kuna kutwikira asi; yina kara mulyo unene, unene kovadinkantu vetu vahepa kuwiza mounzi wawo vakare asi yiwo vanzipo pankenye muzaro gonombunga politika. Morwa aga mahoroworo gonondango donodoropa, omu vadinkantu navavawapukurura vakakare nompitisili domungura. 

Kauandenge simpe katente asi mulyo unene vadinkantu valitjangese awo hena vakahorowore, morwa maudigu nagenye aga vana kupita kwakara asi gontateko omu muna kara yirugana yomunkama, eyi yina kara asi nkenye ndango nazikakara nelikwamo lyangoso, makura mazwi gawo vahepa kugazuvha pontambo ozo. 

– Nampa