Taimi Haihambo

Minista womauyelele nomakwatafano opaungoba Emma Theofelus okwa ti efiku eti-12 Mei ota li kala ha li didilikwa alushe onga efiku lopashiwana lokukuna oimeno mokudimbuluka Omukokolipresidente Sam Nujoma.

Edi Theofelus okwe dipopya oshivike shadja ko pefimbo kwa li ta yandje ouyelele kombinga yoipambele yepangelo.

Nujoma oo a li Omupresidente wotete waNamibia noku li a dana onghandangala ya kula okuetela oshiwana emanguluko, okwa li ehole oimeno, nokwa kala alushe noku twa oshiwana omukumo opo shi twike omiti.

Okwa ti elalakano okudimbuluka Nujoma alushe noku ka leka po osho ali ehole.

Okwa weda po ta ti tashi kwafelele Ovanamibia okutwikila oshoyo oku longa oilonga iwa ya longwa kuNujoma.

Neudo momafiku 12 Mei, Ovanamibia koitukulwa ya yooloka oshoyo ovakwapata vaNujoma, ova li va kufa omiti dihapu ndele va twikwe ko komaendo omapendafule oHeores Acre oku dimbuluka Nujoma.

Taimihaihambo2000@gmail.com