Taimi Haihambo 

Odoolopa yaShikuku oya tokola opo i kale nomauliko ayo opaipindi okudja momafiku 25 fiyo 27 Juli 2025. Omunashipundi wokomitiye nomukwateli komesho womauliko opaipindi moshikuku Jomh Sheyavali okwa ti ovakufimbinga momauliko aa ohava kala unene eefikola domomudingonoko. 

“Paife otwa teelela eefikola dafika po18 odo di kale da kufa ombinga oku dja mo25 fiyo omo 27 Juli,” Sheyavali ta ti. Okwa twikila kutya eefikola edi dahoololwa ededi da dimina oku kufa ombinga, doo odo dimwe domoshitopolwa natango dapumbwa omakwafo, noda kufa ombinga nelalakano lokukufa ombinga oku shakeneka epangelo ondjila kati opo di dule oku wanifapo eemhumbwe davo edi vapumbwa odo epangelo lanyengwa oku yambidida. 

“Efikola dihapu moshitopolwa oda pumbwa oikwafifo hongo ndele kaina apa taidi. Shoo osho ame pamwe noombushe vange moilonga twatwa omadilaadilo kumwe, opo tu dule oku yambidida eefikola edi momukalo wokuninga omauliko opaipindi oo ha a kufwa ashike ombinga keefikola, shihefi ovanangeshefa moshitopola,” Sheyavali ta yelifa. 

Eefikola natango ota di ka kufa ombinga momafiyafano ayooloka, oshoyo momaudano eli li noku li li. 

Okwa ti aa otaa kakala omauliko opaipindi atitatu, nova teelela ovanhu vahapu taveya okusapota. 

Okwa yelifa yoo kutya ovena omashongo mokuxumifa omauliko opaipindi, shaashi kavena ovayambididi lela vahala oku vatela. 

“Onda kendabala lela oku pula omakwafo kovanangeshefa ava vakula vomoshitopolwa ashike otwa xulila mounyengwi. Ashike moshikando ta shiya ohatu kendabala lela oku talelapo oumisteli woovene shee tutale apa hatu xulile,” Sheyavali ta ti.