ONGWEDIVAS – Oshanas ǀkharisi mûǂamaob, Hofni Iipingeb ge ǀasa !numis tsî !kharaga!nâgu ǀgauga sîsenūs !nâ-ū soros di ǂganagab !ân tsî ǁîn di sîsenūsa ǁgauǂuis ǀae!khōs !aromas di senters, N$15 miljuns ai Ongwedivas !nâ ra ǂnuwihesa, ǁîs kai !haro ǀawas ǀkharigu Namibiab digu !nâ ǂurusib !oabade ǁanǂgsabena hā-ūbas dis ase gere !khōǀkhā. 

!Hūkhôas ǁaxasib nē ǀasa senters ǂnuwis dis tawab ge ǂoa ge wekheb ai gere gowaǀîsa mā, soab aib ge Iipingeba ge mî, senters nî dītoahes karao, o 850 000 xa a !nāsa ǁanǂgāsaben, Omusatib, Ohangwenab, Oshikotob tsî Oshana ǀkharigu !nâ hâna !oabade mā, tsî nēs ǀkha !numis ǀaeb di ǂurusib !oabadi !aroma 600 kilometergu xa a !nāsa !nūsiba ǀAeǁgams ǁga !narisa nî ǀariǂui !khaisa.” 

Nē omkhâisens ge ǂgaoǀkhāsa !harib ai hâ ǂurusib !oabade khoena hân apa nî hā-ūba. 

Nēs ge ǁkhāti sida di dīǀgaugu, ǂkhâ!nâsa mās diga ǀgaiǀgai tsî ǀaokhoena !ēsa ra mā nē ǀaeb di ǁgoaǂuide ǀguipa mâse !khōsa, ǁîn ǀnamsabena xu !nūse hâses ose,” tib ge ge mî. Namibiab !Numis Senters (NOC), ǀnai ǀAeǁgams !nâ sentersa ūs ge nē asa ǂnuwihesa ra !khōdana. 

ǂÂi!nâǁguib !oas ge nē ǀasa sentersa ǂKhoesaob 2026 dib ai ǁîs dao-amsa ǂurusib !oabade mātsoatsoas !aroma nî ǀhui-am. 

Namibiab !Numis Senters di Marisiǁhōn Direkters, Stephanie Quarmbys ge mîsa !oas ge khoraǂuis în senters disa, ǀasa khoesisa ǁkhawa ǀawas ǀhûhâsigu !nâ oahā-ūsa ra ǂnûǁkhaeba. “ǂGuro nās ase nî ī !khais ge, Outapisa xus nî ǁnaosasa xemoterapi-e nēpa hā !khō!oasa, ǁîs ǀaokhoen xas ǀgamsa ǂû-e ǁgâusa xu hā-ūbahe hâse ra sarihese. ǁKhātib ge nau ǀkhāb ai Ondangwasa xu ǁgûba ǁîb di radioterapi-i ǀkha ra ai!gû, ǀguis khami ī ǂâiǂhansen-i mâ maris ǀkhab ǁîb ǀgôan di skola nî ǂkhâ!nâs dis ose, nēsab ǀAeǁgams ǁga īs ga hâ hâ o, ǁgoe!khaisa ga mātare hâ amaga,” tis ge Quarmbysa ge mî. 2015î kuriba xus ge NOcsa ǁaupexa 8 000 !numis ǀae-aona ra ǀae!khō. ǁÎs gere ǀgonǀgon!gao !khais ge, Ondangwas di ǀasa senters ǂurusib !oabadi ǀguidi !gao hâ tide, xawe ǀaokhoena nē ǀaeb !nâ ǀguipa ūhâsa