Taimi Haihambo 

Ngoloneya waShikoto Sacky Kathindi opamwe novakalimo vomoshitukulwa shaye, otava ti oilonga yopate ili pokati Eengoyi-Omutele otai ende kanini. 

Opate vati oya tamekwa oku tungwa mo2023, noneudo okwa li kwa udenekwa kovatungi vopate oyo kutya otava mane muJuli. 

Kathindi okwa ti okwa kala nokutalela po opate oyo okudja ashike omwedi ou aya koshipundi ashike oilongo itai ende ngaashi shateelelwa. “Ovatungi vopate ova lombwelange kutya petameko laJuli ove na oku kala va mana oku tunga, ashike eshi nda li ko oshivike shadjako ndi ka tale nghee tashi ende onda djako nda nyemata. Natango efiku olo vali ve na okumana natango ove li undulila komesho,” ta ti. 

Ngolonenya ta ti ovanhu ava ve li nekelelwa oilonga ei ove mu lombwela kutya ovakala vena omashongo, eshi tava tungu opate shoo osho tashi sha endifa oilonga kashona. 

Omashango va ti ongaashi ovalandifi vo ma ngeshefelo manini tava landifile mopate ei opo tai tungwa, ndele inava hala oku henuka vadjemo, opo ova tungi vopate vadule oku twikila noilonga yavo. 

Vati ovashingi voihauto navo onghee ngaho tava twikile oku longifa ondjila oyo, yoo ina ipwa oku longa. “ 

“Omushiivinawa mokulonga eepate kehangano loRoads Authority natango oya ti koshi yopate okwa pita omunino munene umwe wakula oo hau yandje omeva moshitukulwa, shoo osho shimwe shomuinima ya eta ekatasho lakula,” Kathindi ta ti. 

Ongoloneya okwa ti okuna oku longa noudiinini mokufya oshisho opo exumo komesho li fike kovanhu pefimbo la wapala. Okwa tumbula yoo kutya muSepetemba omu tamu tengenekelwa emanifo lopate itava koyomo ina i pwa. “Exumo komesho otwa hala oku li eta kovanhu ngaashi tashi dulika,” Kathindi ta ti. 

–taimihaihambo2000@gmail.com