Taimi Haihambo 

Ouministeli wouhaku owa hoolola eenhele da fika puheyali moshilongo di na omhumbwe yokutungwa oukilinika. 

Edi oda popiwa komupresidente woshilongo Netumbo Nandi- Ndaitwah pefimbo a li ta shivifile oshilongo eshi ye pamwe neeminista daye va dula okulonga moule weemwedi nhatu edi va panga mombelewa. 

Nandi -Ndaitwah okwa ti epangelo ola hoolola eenhele di li heyali moitukulwa ngaashi Okavango-East, Oshana, Otjozondjupa, Ohangwena, Zambezi osho yo Kunene. 

Oshipangelo shakula she pangelo moHavana vati osha tamekwa nale okutungwa nosha teelelwa shi kale hashi ufanwa Khomas District Hospital. 

“Ounisteli natango owe lipyakidila nokukuta ovapangi neendokotola edi opo da mene omalihongo koipitudilo yopombada. Fiyo opapa epangelo ola pitifa eepiosa di na sha nouminusteli wouhaku odo da ningilwa nale omapulapulo da fika po 604,” Nandi-Ndaitwah ta ti. 

Neudo epangelo vati ola yeulula eemhito dokwiilongifa ovanafikola koiputudilo yopombada di li 52 odo da yeulilwa ovanafikola ta ve li hongele oinima ya nika ouhaku, nova teelelwa va kale vamana elihongo lavo mo 2030. 

MuJuni neudo vati epangelo ola landa eeambulansa dipe di li 36 odo da yandjwa koikandjohoololo aishe i li 14 meni loshilongo. Epangelo natango va ti ola hala okuwedapo vati eeambulansa di li omilongo hamano da nuninwa oukilinika moshilongo. 

Oshipangelo shovanhu ve na oudu wopomadilaadilo moRehoboth vati osha tengenekwa shi nenepekwe nounene wokukala eembete da fika po48, omo oumisteli tau longele kumwe noumisteli woilonga neendjila. 

“Okudja mefiku 1 Aguste 2025 okakilinika kaKuryangava moWindhoek otaka kala taka longo oule weevili 24, hano kutya ita ka pate va li ponhano ngaashi oukilinika,” Nandi-Ndaitwah. 

-taimihaihambo2000@gmail.com