Taimi Haihambo 

Epangelo laNamibia ola ti otali twikile nokutungila ovamoni voyuuyemo i li pedu omaumbo kondado i shi okulididimikilwa momukalo woku va yambidida navo va kale ve na omalukalwa. 

EdiodapopiwakOmupresidente waNamibia Netumbo Nandi- Ndaitwah. 

Neudo vati epangelo ola dula okuyandja omaumbo e li 362 moWindhoek, osho yo e li 26 mOpuwo omanga omaumbo e li 3 492 e li metifa lokutungwa. 

Omaumbo aa vati kae shi ashike oinima ya tungwa momukalo wokulikufa ovanhu molwondado yao, ndele vati omaumbo owongushu lela. “Epangelo natango oli li metifa lokulongifa omadu meedoloopa da yooloka. Opo li omadu a kale pondodo yokutungwa,” Nandi-Ndaitwah ta ti. 

Eedolopa edi di li metifa lokulongwa ongaashi Windhoek, Walvis Bay, Keetmanshoop osho yo Oshakati. 

Moule weemwedi nhatu epangelo ola dula yo okutungila Ovanamibia oundjuwo ve li 1 919. Momusati va ti ove li 76, 164 mOshana, 33 moKavango-West, 16 Omaheke, 30 Kunene, 43 Erongo, 207 Ohangwena, 17 Hardap, 50 kharas no 180 Oshikoto. 

Epangelo nantango ola andjakanifa eekondalaka di li 67 komahangano a yooloka, opo va dule okulongolola eemboola dipe moitukulwa, ngaashi Omaheke eembola di li 11, moHardap 2, // Kharas 2, Oshikoto 4, Ohangwena 6, Kavango-East 7, Omusati 9, Otjozondjupa 20, Zambezi 6, Kavango – West 7 noKunene 11. 

“Eemboola di li 35 oda pwa okutungwa omanga 32 di li metifa lokumanifwa,” Nandi-Ndiatwah ta ti. 

-taimihaihambo2000@gmail.com