Taimi Haihambo

OSHAKATI – Omwaalu wovapolifi ve li 40 ova tameka omadeulo e na sha nokulonga novanhu ve na oudu wopamadiladilo.

Omadeulo otaa yandjwa kehangano Circle Hope  Academy omo tava ka longa kumwe novapolifi. Omukulunhu wopolifi moshitukulwa Naftal Lungameni okwa ti elalakano lavo lokudeulila ovapolifi nghee ve na okulihumbata ngeenge tashi ya kovanhu ve na ounghundi wopomadiladilo osheshi ohava longo navo meyukililo.

“Ovanaudu vouwehame wopamadiladilo ohava idililwa mOshakati fyee moikando ihapu ohatu hange hatu longo twe liyukilila  navo, ndele ovapolifi kave na nghee ve na okuliamena kovanhu voludi eli shaashi keve shi nghee hashi endwa,” Lungameni ta ti.

Okwa twikila kutya ova shakena oiningwanima ihapu omo ovapolifi va monifwa oiponga kovanaudu ile ovanaudu va lemanekwa kovapolifi.

“Otu na oshingwanima omo nokuli omunaudu wopamadiladilo a yashwa nokufya komupolifi shaashi okwa hala okulwifa omupolifi momukalo wa nyika oshopinga ye omupolifif ka li vali e na omukalo oo e na okuliamena nawo,” ta ti.

Okwa ti natango moshiningwanima shikwao omunaudu wopamadilaladilo okwa yashwa mokaulu a li ta kondjifa okulwifa ovapolifi.

Vati moshiningwanima shikwao omupolifi umwe natango okwa  monifwa oshiponga komunaudu wopomadilalo eshi a li ta kendabala okuliamena, ndele omunuadu te mu tete nekatana kokwooko fiyo ta ka teka pokati.

Okwa ti eshi osha fininika ombelewa i liteteke omadeulo manga kuyela, yo manga noibofa inai va ningila ihapu. 

Okwa ti omadeulo otaa xulu mEtitano nove lineekela kutya ovapolifi otava ka dja mo lela va ndjunguka nove shi omukalo ou ve na okukala tava ende ngeenge tava longo noibofa yoludi eli.

-Taimihaihmbo20002gmail.com