Taimi Haihambo
Ehangano loRoads Authority opamwe nehangano lapewa oshinakuwanifa sho kumanifa opate ya Engoyi-Omuntele vati ove li pokuya momeva mapyu shaashi itava wanifapo oilonga yavo pefimbo.
Edi oda popiwa kominista yee pate noilonga Veiko Nekundi, eshi eva mbadukila kopate oyo, inaveshi teelala oshivike shadja ko. Opate oyo, oi li moshitukulwa shaShikoto.
“Konima ashike yee mwedi nhatu oko nda li oku ndeya oku ninga omapekapeko opate, ndele fiyo onena kape na eshi palongwa,” Nekundi ta ti.
Inginia oo e li yoo omukwateli komesho wopoloyeka oyo, vati poilonga iha kala po, nonande ha futwa keshe mefiku oN$5000.
“Onda hala olopota mOmaandaxa poshiitafula shange tai hokolola eshi sha etifa opate i hapwe, nakeshe ou ta kofele ketemo, oshoyo evyulo lapewa inginia oo ena oku kala alushe komatungilo opate ta tale nghee ovanhu tave shi endifa,” Nekundi ta ti.
Ovalandifi ava hava landifile popepi nopate ova yandja yoo omanyeneyto avo kuminista, nghee eenhele davo do malandifilo vati da hanaunwa po koRoads Authority shi nasha netungo lopate.
Nekundi okwa ti Roads Authority nafye oshisho a a fute ovanhu ovo eenhele davo da hanaunwa po.
Opate pokati kaEengoyi nomutele vati oya ta mekelwe oku tungwa nale mo2023.
Ngoloneya woshitukulwa Sacky Kathindi okwa ti okwa kala no ku talelapo opatate oyo a tale nghee ova tungi tave shi endifa.
Ovatungi vopate ova li vemu lombwela kutya petameko laJuli ovena oku kala va mana oku tunga, ashike fiyo opapa keep na eshi sha ningwa po.
“Otendela yokutunga opate va ti eudafano li li pokati ka RCC na Roads Authority. Ashike pefimbo nda kala noku talela po etungo lopate ei, onda kala handi lombwelwa vati eshi itava mane oku tunga omolwa omashongo oo vataalela,” Kanthindi ta ti.
Omashango va ti ongaashi ovalandifi tava landifile mopate ei opo tai tungwa, ndele inava hala oku ] vadje mo.
Vati ovashingi voihauto navo onghee ngaho tava twikile oku longifa ondjila oyo, yoo ina ipwa oku longa.
Ovalongi voipate ova ti opate otai hangwa yapwa pomafiku 30 Sepetemba 2025.