Omukeleli womaliko weedula 39 okwa monifwa oshiponga eshi a ponokelwa kovalumenhu vavali ndele tave mu denge nokonima okwa tuwa nombele.

Oshiningwanima osha ningwa oshivike sha dja ko kolukanda Okangwena moshitukulwa shaShana efimbo loufiku.

Omukulunhu koshikondo shokukonakona oimbuluma wopolifi mOshana, omupedu Commissioner Fredrick Ndjadila okwa hokolola ta ti ovafekelwa ava ova ponokelwa nakuninga oshihakanwa nelalakano lokuvaka pongeshefa opo kwa li ta longele.

Omufekelwa umwe vati okwe mu twa nombele muukulu nelalakano opo omukeleli womaliko elidenge po.

Opolifi oya hokolola tai ti nakuninga oshihakanwa okwa tambulilwa moshipangelo shaNandjokwe ta mono epango lopaunamiti.

Ovafekelwa ova faduka po nomakonakono opolifi otaa twikile.

-fhamalwa@nepc.com.na