Taimi Haihambo
ONKULUDHIYA – Omukulupe womido 76 Reinhold Hensel, odalele yaGermany, ota ulikile ovanhu vomumudingonoko waye kutya omapya pamufyuululwakalo kaeshi ashike omahangu noilyavala ndele otaa dulu oku kunwa oinima ihapu, oyo tai xupifa iinamwenyo noku eta po shomondjato.
Hensel mUukwaludhi oku limo ta longo oikulya yoimuna okudulila mepya laye neenyala daye mwene. Oikulya yoimuna ei haningi oihati yeemwenge, eemwidi dayooloka oshoyo eenhanga dosunflower odo hakunu, tedi tanaunine mumwe neevitanime dokongolo ta longifa omashina manene eli peumbo laye.
“Ovanhu vahapu pomukunda ova wila mohole nashi handi ningi shaashi aame ndotete kombinga ei yoWambo ndi na ounafaalama woludi eli, noikulya yange ei handiningi ove i holele unene oikombo,” ta ti.
Okwa ti ounafaalama woludi eli okwa okweu tameka mo 2022. Ashike manga ine utamkea okwa kala hapululile ovanhu omapaya avo, poo opo amona kutya edu oliwa nokukuna oikulya yoimuna.
Okwa ti oikulya oheilongo lela ihapu, nongeshefa yaye paife oyakula, no ili pondodo yokukufa ombinga momauliko oipindi. Hensel vati oha taalele omashongo mahapu ngaashi omhumbwe yomeva shaashi omuloka mowambo ohau kalamo ashike lumwe modula. Ngeno vati okwa li kuna omeva ahapu, oshikunino shaye ohashikala ashike shaziza keshe efimbo.
Ota pula epangelo laNamibia liete eembola nande odili nhano moshitukulwa opo didule oku vatela ovanhu evadeulile ounafaalama woludi eli.
Shimwe vali adidilika natango vati ovanhu vahapu kave udite efimano lounafaalama, nonghee okuna ondjodi yakula yokudeula ovanhu vahapu mwakwatelwa ovayansha ounafaalama. Hensel vati okuna oikombo ihapu oyo hakande, nomodula taiya okwa hala oku tameka oku kala ta kande oikombo, opo atameke okulandifa omashini akukutikwa oukombombwena, oo ta akala eli momukalo woufila. Okwati okwa hala ngeno oku longela kumwe novanafaalama vakale tava kande oikombo voo vangeshefele pamwe. Hensel eshi shemueta moNamibia ohombo oyo okwali ahambolola omukainhu wokUukwaludhi, ashike oya kaxulila mounyengwi eshi va topokafana, yee tawaimine ondjila yaye younafaalama. Okwa ti mUukwaludhi ita dimo vali shaashi oku holemo.
– Taimihaihambo2000@gmail.com