Mukumo gombunga kuhamena eruganeno kumwe novanambudi apa nye ava gava nombudi douhunga kumwe nokugwanekera, mukurona gwaNew Era Christof Maletsky katente nonkango edi moutano kaupwire. Apa nye kahuyungire mositata saVenduka, mepongo eli kalikereko lyovanambudi kavarongikidire wombunga zaNamibia Financial Institution Supervisory Authority (Namfisa).
Maletsky katente asi ehuguvaro kuna kara mulyo unene pokatji konokampani ntani wokuhanesa nombudi. ‘’ Efumadeko, umanguruki, ntani kurugana yirugana yoyiwa unene, omu namukatunda uwa wovanambudi. Vanambudi nawo kuna hara kupopera yirugana yawontani mbunga ozo zahepa kukara asi kapi zina kutanta yimpempa. Yimo ana kutanta. Epongo kalikere talididilike unene omu navafura kutanta usili. Maletsky katjangwilire vanambudi vaNamibia omu navaza komeho nokurumbasana momunene komaruha gawo. ‘’ Nomvhura ntambali dakapita, sayitunga ngwendi the Namibian kwafukisire makuranta gokusika ko 78 000 omu yakere asi mapenuno 120. Nayina, kutjingisa kuna lisigi kuna gurumuka no 10 ntani 30% kuhetakanesa nomuyakere nare, ono yokuruganesa nongodi hawe ure unene ntani kapi tupu yina kusikamo. Age katente simpe asi nombunga edi kuna kupitamo noudigu,kugava nombudi dokupira usili, kuhanesa nombudi doyimpempa ntani udivi kwato. Nampili ngomu kuna kara maudigu, vanambudi ava twadiva nava ava yirugana nare simpe kuna kara vana vahguvara momunene.
Makona kono kuna kulikida asi varesi nombudi simpe kuna kara asi kuresa sayitunga mulyo unene nye kapisi kupitira monongondi, yimo ana kutanta Malestsky. Age kahundilire nombunga edi asi vahepa kukara nonompito dokugwanekera kumwe novanambudi omu nye navafumadeka eyi vana kurugana. Kapi ava huyunga asi hawe, kwankenye epuro.
Age kahundilire asi egano lyewa kuna kara magwanekero omu navalipa. ‘’ Eyi norugana paparako nkumbu zimwe nye zahepa kutanta Yuma. Malestky simpe katente asi twahepa kutulisapo magano nkenye yipo mugwanekere mugavi mbudi ndi mutjangi ntani mutaruruli gwazo.
‘’Gwanekera novanambudi nkenye apa monompito dononzi nye wahepa nkenye apa kugwanekera nawo nawa.’’yimo ana kutanta. -Nampa