Taimi Haihambo 

Ngaashi eedoolopa dikwao, odoolopa yaNdangwa oya pangela omhangela opo yi uye po nomaudano okulotoka mo27 Sepetemba 2025. Omupopiliko wodoolopa Petrina Shitalangaho-Mutikisha okwa ti etondoko otali ka kala moinano yee 5km, 10km, 15km no 21km. Ta ti etondoko eli oli lile po okukaleka po oundjolowele wovanhu, okuhanganifa ovanhu modoolopa osho yo okuhanganifa ovanhu moudano woludi eli. 

“ Oudano ou owa manguluka, nowa patulukila ovanhu veedula adishe. Eendado domalishangifo ongaashi tadi landula apa: Okudja peedula o10-20 otava futu N$20. Okudja peedula 21 – 50 otava futu N$50. Ovakufimbinga okudja peedula 50 shu uka pombada otava ka tondoka oshali,” Shitalangaho-Mutikisha ta ti. 

Elelodoolopa laNdangwa otali pula ekwafo lomahangano oundjolowele opo a dule okukwafela mefiku lomaudano. 

-Taimihaihambo2000@gmail.com