OPUWOS – Daogu ǂGaeǂguis (RA) ge buruxa sī!nâsa ǂoa ge wekheb di Denstaxtsēs ai gere !gâiaǂgaoba, ǁnāpas ge 278 ǂkhamkhoena ǁîn ge daokurus ǂnamipe ge hâ i ǁkhāǁkhākhâide Opuwos !nâ !gâi!gâxase a dītoas khao!gâ. 

Nē ǁkhākhākhâis ge Daogu ǂGaeguis di gaxu ǁaeb mûǂuib !nâ a !khōǂgāsa, ǀō-aisa ai!gûgaru projeks hîa noxopa ǁîs di ǂguro !harib ai hâs, hîa Opuwo-Okangwati daoba kurus ai a ǁaxa-ūhesa. 

ǁKhāǁkhākhâis hîa ǂoa ge ǁkhâb !nâ Ministeris ǂUrusib tsî ǀHûhâsib !Oabadi di senters tawa Opuwos !nâ ge dītoahes, ge ǀhûǁarebe sîsenni RAs, Kuneneb ǀKharisi Mûǂamaob Beros tsî ǁnā ǂnûiǂgās nē sîsenni ǀkha ge ǂgom!gâhes, Pregon Consulting Engineers hâdi diba. 

Daogu ǂGaeǂguis ge ǁîs a dana ǁkhāǁkhākhâi-aose ge hâ i tsî ǁhao-aona !oa!ū nē sîsenni, daokurus dib !nâ a ǂgaoǀkhāsa xūna dīǀgauǁgaus !nâ-ū gere mā. 

ǂAn!gâs ǂhawega māǂuis ǁaeb aib ge Daogu ǂGaeǂguis di Dana Sîsenǂuira Mâisab, Conrad Lutombiba ge mî, ǁhao-aon ge ǁkhāǁkhākhâidi !nâ !âidi !nâs tsîna a !kharu !khaisa în di ǀasa ǂanden mâti a sîsenū ǁkhās !aroma, tsî ǁkhāti nē ǁgoaǂuidi xa ǀoa hâ sâuǁkhāsib !nân mâti nî ûi!kharusa hōbasens tsîn ase. 

“Dana Sîsenǂuira Mâisata, Daogu ǂGaeǂguis ti ta ase ta ge hoaraga do ra gangan, ǂgao khāsa !harib ai hâ tsî ǂâuǀoa hâ ǁkhāsigu tsî ǂansa da go mā du ǁkhā i !khais !aroma. 

Nē ǂans tsî ǁkhāsigu ge sado nî hui, nē !gom ǁaegu !nâ mâ!kharu tsî ǀkharaǀkharasa a hā-ū ǁkhā !hūb !aroma ǀgauga ǁgausa sa !âsa ǀhurus !nâ-ū, !gōsase Kunene ǀKharib !nâ,” tib ge ge mî. 

Lutombib ge noxopa ǁhao-aona ge mība, Daogu ǂGaeǂguis noxopa nē ǀkharib !aroma !kharagagu projekde ūhâsa, aiǁgause Kamanjab-Khorixas daoba !gâi!gâi!nâ tsî ǀkhara !harib ai sī-ūs, Opuwos-!Naniǀaus daob tsî Oute !gâunas hâde. 

“Mû da ge nî Oute !Āb !gâunas kurus hîa ǂōǂōsib ase nî sîsenūhesa. 

Sida ǁkhoreb ge nē du go !khō!oa ǂans tsî ǁkhāsigu ǀkha du noxopa ǂauna projekdi hîa !hūb a ǂhabase nî hâ di !nâ nî !âsa,” tib ge Lutombiba ge mî. Kuneneb ǀKharisi Mûǂamaob, Vipuakuje Muharukuab ge nē ǁhao-aona gere hōhō!nâ, ǁîn sîsengu hîan nî !khō!oaga ǀgaisa ǁguiǂgāsens tsî ǀguixasib ǀkha dīsa. 

Nampa