Taimi Haihambo 

Ouministeli womidingonoko, eefuka nomapashioni owa ti otau ka ninga oshikonga shokuwapaleka koitukulwa ya yooloka 20 Sepetemba 2025. 

Minista womidingonoko, eefuka nomapashiono Indileni Daniel, okwa ti ewapaleko otali ka kala koshi yoshipalanyole “Namibia oshilongo sha yela nawa.” 

Daniel okwa ti ewapapleko eli ita li kakala ashike lokutoola oimbodi, okukunghula nokuwapaleka momikalo da yooloka, ndele oku handjakanifa omhepo yoku kaleka ovanhu noshisho sho kukala momidingonoko da yela. 

“Omidingonoko da yela ohadi nane ovatalelipo okudja koilongo ya yooloka, opo ve uye va talele po oshilongo, sho natango ohashi yambula po eliko loshilongo, tashi amene oifitukuti, oshoyo ovanhu aveshe moshilongo koonono,” ta ti. 

Okwa ti ovakufimbinga ava va teelelwa okukufa ombinga mewapaleko eli, oilyo aishe yepangelo, ovakwashiwana, eefikola adishe, nakeshe umwe vatwe eenyala kumwe  moshikumungu shoku kaleka Namibia li yela. 

“Namibia oshilongo shimwe shina oukumwe uwa, oshoyo elelongelo kumwe lapama. Natango ohandi pula oshilongo shi ka longele kumwe mefiku eli, ngaashi shito opo ashike hatu dulu oku shi pondola,” Daniel ta ti. 

Okwa weda po yo kuta oukoshoki oo nau kale oshiima shotete meenghalamwenyo dovanhu. 

-taimihaihambo2000@gmail.com