Jazema Hangero

Muhuka pe nOmukandi omunene wokuzemburuka ounahepero wongombe pondondo yombazu. otjikando otjitjavari mEpukiro mOmaueuozonjanda povyunda vyomarandero. 

Ombura ndja zuko omeyero wotjiwaṋa yari nawa nombura ndji otjivarero matji undjirwa okuyeruruka, 

Onongo Ngungaa Hangara ma tja. Na ningire otjiwaṋa okutwayerera ovihaamwa nokukara momuzaro watjo wombazu okukayandja otjiperendero tjapeke keyuva ndi nokukuna otjivepo tjombazu mokati katjo.

Ongombe onḓikameno yehupo rOvaherero nOvambanderu tjinga oyo ai kondoroka ombazu yavo. Onanḓengu tjinene mombazu na mongamburiro yavo nu ve ṱaṱera kuyo movitjitwa vyombazu. Potjitjitwa hi mape kara omaraisiro wovirumatwa vyombazu, omahongero wounahepero wongombe motjiṱo tjombwiko, na mombazu. Okutuurungira momamemwahungi wokotjinyo; omaraisiro woviṋa vyombazu pekepeke mbi za pongombe; omahandjauriro womapururiro wongombe; omahaṋeno wonyama nokutja oviṋepo viṋe mbi riwa i yovanatje, ovarise, ovakazendu novarumendu. 

Mape kakara wina omaraisiro woviṋa pekepeke mbi za pongombe tjimuna omaze wozongombe; omaihi; omaere; onyama nozombyatwa; omivya; omitjira na vyarwe ovingi. 

Otjitjitwa matji kapata nomahongero womavara wozongombe nomaheya wovivara vyazo mombazu yOvaherero. Otjo matji munu ombatero okuza kozonganda nḓa: Omuseums Association of Namibia (OMAN), Onational Arts Council of Namibia (ONACN), otjitjitwa tji matji kara povyunda vyOrutu rOvaṱuta rwa Pukiro ousupi (OEEFA).