Omukainhu weedula 27 okwe lituwa a xulifa eshi e limangelekela momaendo efimbo lomutenya koWindhoek. 

Oshiningwanimaoshaningwa Etitatu komaendo aGolgota. 

Opolifi oya hokolola tai ti nakufya okwe lituwa kovanafikola tava di kofikola efimbo lomutenya. 

Otaku hokololwa kutya ina fiya omukanda tau yandje ouyelele kombinga yefyo laye, onghee omakonakono opolifi otaa twikile. 

Vati omukainhu ou okwa tumina umwe womumwainakadona etumwalaka kongodi kutya okwa loloka nokwa hala oku ka fuda po. 

Oshiningwanima shikwao, omulumenhu weedula 42 naye okwa xulifa eshi e limangeleka momuti u li mekove lavo. 

Oshiningwanima osha ningwa Etitatu efimbo lomutenya komukunda Iikokola moshikandjohoololo shaTsandi koshitukulwa shaMusati. 

Nakufya okwa tongololwa oye Vaino Matheus omukalimo womukunda Iikokola. 

Opolifi oya hokoleka tai ti omulumenhu ou ina fiya po omukanda tau yandje ouyelele kombinga yefyo laye. 

Okwa didilikwa eelopota domalingeleko da ninga dihapu unene tuu ovanyasha. 

Omupresidente Netumbo Nandi-Ndaitwah oshivike sha dja ko okwa popya ta ti omalimangeleko otaa limbilike neenghono. 

Oshiwana osha kumaidwa opo shi ka konge omakwafo kovaxungimwenyo il e kovafitaongalo ngeenge tashi hepekwa koupyakadi wopamadilaadilo. 

-fhamalwa@nepc.com.na