KATIMA MULILO –  Kubakanya lico ki sinotolo sa kupakulula njimo mwanaha Namibia. Ao neli manzwi alikwambuyu wa njimo Inge Zamwaani kwa kezahalo yakufa mipuzo kwa balimi mwa silimo sa 2025 yezibahala kabukuswani ka NAHA, mwa Katima Mulilo Labune. Zaamwani nahatelezi kuli kufetula ze kutulwa kuba lico zebakanyizwe kuka ekeza kubateni kwa lico, kutahisa misebezi, nikubuluka sifumu inge sifulana mwanaha.

“Kubakanya lico kutisa cinceho,” nabulezi. “Kucinca mbonyi kueza lico ze nolofalizwe, makwili kueza lico ze kangelizwe, matomato kueza mulo, ni miselo kueza lino, luyandulula kubateni kwa lico mwa lintolo, kutisa lintolo mwa libaka zamatakanyani, ni kubuluka sifumu sifulana mwanaha Namibia.”

Zaamwani nafile mamela kuli musipili haki obunolo. Mi naize kuna ni masuba acwale ka kutokwa libulukelo za lico, miyaho, ni butata mwakulekiseza lico sihulu kwa balimi babapila mwalibaka zamatakanyani. Naize mubuso usweli ku alabela kakutahisa misika, mulilo, mezi, mikwakwa ni swalisano ya balimi. 

Mubusisi wa sikiliti sa Zambezi Dorothy Kabula naize kezahalo ya silimo “haki nyakalalo feela ya ku eza hande, kono ilemuha hape tundamo yabao kaufela babaleka hamoho.” Nabulezi hape hala kuketahana kwa sikiliti sa Zambezi mwa kutahisa lico. Sikiliti sikutulanga mabele ni mbonyi. Kono naize kusana ni butata bwa kucinca kwa mayemo alihalimu, ili atisa kuli batu basike bakutula hande fokuñwi.