Taimi Haihambo
Opolifi moshitukulwa shaShana oya lopota oshiningwanima shomukainhu weedula 41, a kwatwa keenghono moshitukulwa shaShana.
Omufekelwa vati okwa kwatwa keenghono pefimbo a li a ya koshiunda shoimuna efimbo loufiku, eshi a uda kuna omaweelelo nomakuyunguto.
Eshi afika poshiunda vati okwa hangapo omulumenhu umwe oo eli mushinda shavo vati eshi emidimbuluka.
Omulumenhu oo eli omufeekelwa paife, vati okwe munhukila, ndele tai naye momilele shiheli pahalo laye.
Omupopiliko wopolifi moshitukulwa shaShana Chief inspector Thomas Aiyambo okwa ti, oiningwanima yoludi eli oya ninga unene ihapu.
“Kandi shi kutya epuko oli li peni moshiwana, eshi sha kwatwa keendemoni doludi eli,” ta ti.
Okwa twikila kutya, okukwata omunhu keenghono eli monghalo ya tya ngaho oshimbuluma shakula.
“Ohandi indile yo ovapambele vovanhu ve li monghalo yoludi eli ve lipake mo, mokufila ovanhu vavo oshisho ngaashi tashi dulika,” Aiyambo ta ti.
Oshiwana natango nashi xulife po okushinda ovanhu, ava shaashi ovo tava eta ekuyunguto fimbo limwe.
Omufeekelwa vati okuna eedula 47, nokwa tulwa moipandeko.