Opolisi moshitopolwa shaHangwena oyi li molukongo lwomuntu omolwedhipago lyomunamimvo 36 gwedhina Nghitewa Nghiyalasha. 

Omukuluntu gwopolisi moshitopolwa shaHangwena Commissioner Ottilie Kashuupulwa okwa ti olutu lwaNghiyalasha olwa adhika momukunda Oshalumbu kOkongo, lwa adhika noombululu mothingo taku fekelwa a yahwa. 

Sha ikwatelela kuuyelele wa monika po kopolisi, olutu ndoka olwa ekelwa po kohauto taku fekelwa oGD-6 nenge o D4D mo 26 Aguste nolwa monika esiku lya landula komunasikola ngoka a li a piti pulwo. 

Nakusa okwa yambukile momukunda Onamudidi. 

Opolisi otayi indile oshigwana ngele ope na ngoka e na uuyelele kombinga yoshiningwanima shoka opo a tseyithile opolisi yi li popepi. 

Nenge ya dhenge koonomola dhopolisi 081 802 3333 oshowo 081 257 5320. 

-vkaapanda@nepc.com.na