Zebaldt Ngaruka
Mbunga politika zonkurona zaSWANU,kavadene egwaneso nomvhura 66th moOkahandja momapeu gana puko. Presidente gwazo Evilastus Kaaronda, posiruwo oso kahuyungire posilika, katente asi, ‘’ Vasovagani moNamibia simpe kuna kara moruhepo omu ana kutara asi simpe moudigu vana kara omu vana kuvahoko evhu lyawo ntani kuna kuvasiga unene konyima. Swanu elikwamo lyendi simpe kapi lyalitjindja ngorooro ngatuza komeho.
Morwa ose kuna kugava sihonena kwava vana karako ngesi ntani wowo vanakvanekoro mompongasano. Ezeruko sivaro kwato gokuvhura kusihagekesa ntani kwato eyi natuvhura kulikundapo opo. Karonda katente asi Namibia kwapongoka morwa kugwana mbunga zina kara zaSWANU, zina kara asi simpe kuka kuza komeho noupolitika wazo. ‘’ Ose simpe kuna kara noruhafo morwa mapenda getu ava vakere asi kapi vavadimbwilire asi mapenda ngesi hawe vanavadimburura nye asi mapenda, omu yina kara asi epangero lyaSouth Africa lina vadimburura ngoso, morwa nawo vamwe vakakere koRobben Island,;; yimo ana kutanta ngoso. Age yipo nye kahundilire wombunga zendi asi tuzeni komeho mokupopera nonkondo detu tumanguruke paekonomi ntani paeparu. Gumwe nage kahuyungire posilikan esi kuna kara Melvin Gaingob, ogu ana kara asi kandindate mondango zodoropa zaOkahandja, ogu katente asi SWANU twahepa kuliwapayikira momunene tukare nomagano gana kuvatera ekoro lyetu. Mbunga politika zetu kuna kara nelikwamo lyokukavatera nokukulika vanekoro, ntani osoe tuna pura asi neveta detu dina wapa mokukavatera vantu vetu.
Gaingob katente asi SWANU kuna kuyizuvha nawa nawa asi ekoro kutundilira komarupe gokulisiga siga nokutanta asi nkenye muhoko guna kara nononkondo dokudiva asi yinke vana kugwanako nomu navaza neparu komeho.
‘’Koruha nye rwerongo noukanguki, dogoro koekonomi ntani mbatero, ose kuna hara asi noveta detu dahepa kukara dina kutara eparu lyovantu makura ose tuvavatere vakare neparu lyewa lyokomeho. Munapolitika simpe kuna kuza komeho nokutanta asi mbunga zawo kunakara nositumbukira sina kara asi eharo, ekeverero, ntani kuvatera nye ekoro eli lina kara noudigu. ‘’
Ose kunapura nye asi malikwamo gangesi gahepa kuvatera ogu tuna kurugana, nokutura nye noveta detu mosirugana. Ose kuna lituramo mokurugana unene, omu yina kara asi nkenye gumwe monkarapamwe gahepa kukara neyi yina kumoneka,yimo ana kutanta. Age simpe kahundilire vahameni wombunga zendi ntani vakwatesiko varuganene kumwe omu navatulisapo eparu lyewa obanekoro vawo, unene kovanonagona. ‘’ Kuruganena kumwe, ose kuvhura kutunga sirongo, omu nye ngatukadana kumwe ngekoro nampili ngomu twalisiga pampo,’’ Gaingob yimo ana kuyahageka ngso. -zngaruka@yahoo.com