Matheus David

WINDHOEK- Ofikola Pikkie Paradys Pre-primary School moWindhoek oya ponokelwa kookalyamupombo ndele tava vake mo oshimaliwa shidule poN$100 000. 

Oshiningwanima osha ningwa Omaandaxa efimbo longula.

Omupopiliko wopolifi Marceline Murapo okwa koleka oshiningwanima eshi. 

Opolifi oya hokolola ta ti ovalumenhu vatano ova kufa mo ondjebo neembele nokuya mombelewa ndele tava fininike ovanailonga nokukufa mo oshimaliwa nokufaduka po.

Opolifi tai ti ovafekelwa vatatu ova ya mombelewa imwe omo va hanga mo ovakainhu ve li vavali ndele tava fininikwa va yandje oimaliwa. 

Konima eshi da pewa oimaliwa eengangala edi oda ya mokatuwa koka-Mazda Demio koluvala li twima-eulu nokufaduka po. Fiyo opapa ovalumenhu ava inava mangwa po.Opolifi otai pula moshiwana opo shi yandje ouyelele kombinga yovalumenhu ava ile shi lopotele oshitaashi ke she shopolifi shi li popepi.

matheusshitongenidavid@gmail.com