Taimi Haihambo

Ovanafikola vomoshitukulwa shaMusati, ova findana po omafiyafano okulesha oo a li a ningilwa koWalvis Bay neudo, nova eta keumbo omaano oshimaliwa shoN$500 000.

Eefikola edi da li da novanafikola va kufa ombinga ongaashi Canisianum Roman Catholic High, Ontoko Combined, Jerry Ekandjo Combined, Shoopala Combined noHaudano Secondary.

Eefikola oda li da kufa ombinga momafiyafano eenghundafana dopakanya moilongwa ngaashi omwaalu osho yo ounongononi.

Ngoloneya woshitukulwa shaMusati Immanuel Shikongo okwa popya netumba kutya ovahongwa vomoshitukulwa shaye ove mu kufa koshi, shaashi ova li va ka kalela po oshitukulwa ashishe, nova findana mwaasho sha li she va endifa.

“Omafiyafano ngaashi okokanya otaa kwafele nokulonga ovanafikola, opo va kale ve shi okudiladila moule nokunyamukula omapulo momukalo we liteelela wo owa fimanekafana,” ta ti.

Oimaliwa ei ya findanwa vati otai ka longifa okulanda oikwafifo yopaungoba moshitukulwa.

Paulina Shiweda, omunafikola umwe oo naye a li a kufa ombinga okwa ti tete okwa li a teka omukumo shaashi vati ovanafikola vakwao vokoushimba okwa li tava ti itava vena shaashi ovadja kOwambo.

“Eshi otwe shi lombwela ovahongi vetu, nova ti okuvena out na okuvena, shaashi kape na eyooloko pokati kokaana komoushimba osho yo okaana komOwambo. Amushe ovanafikola ashike, nyee omu fike pamwe noho,” Shiweda ti ti. 

-taimihaihambo2000@gmail.com