Taimi Haihambo 

Ovakalimo vokomukunda Onamafila ova li va yandja omakemo avo, shi na sha nokilinika i li komukunda wavo oyo ya tungwa mo2023 ndele fiyo opaife inai patuluka. Elalakano lokilinika eshi inai patuluka vati omolwomashina okupomba omeva ehe po, osho yo elambo lohanya. 

Ovakalimo ova yandja omanyenyeto avo kutya vati vo ohava pangelwa koshi yomuti, ashike ove na ngaho oshipangelo ve shi wete. 

Umwe womuvo Lonia Shaanika okwa ti ohava longifa oshimaliwa shihapu okuya koshipangelo kOkongo, shaashi oshitukulwa oshe lihanena omalaria, o ohaa pangwa ashike kOkongo. 

“Ngeenge otashi pula uushuneko lune momwedi ngaho omafele ane u na okulongifa,” ta ti. 

Omupopiliko wouministeli wouhaku Walters Kamaya okwa ti ouyelele u na sha nokapangelo inaka patuluka ka kwafele ovanhu oku u shi. 

“ Eshi sha li tashi endifa kashona opo oinima ei i longwe, oshikondo eshi shi na oshinakuwanifa shokulanda oipumbiwa yepangelo,” ta ti. 

Okwa twikila kutya oinima aishe paife oi li metifa lokulongwa mo nepangelo ole lipyakidila nokuhoolola ava ve na oshinakuwanifa shokulonga mo eepomba edi. “Ashike nande ongaho epangelo ola tula omalongekido peenhele opo li ete oupangelo vokolupadi va kwafe ovanhu vokOnamafila,” ta ti. 

Okwa twa ovakalimo omukumo opo va kale ve lididimika, manga aishe tai tulwa peenhele. 

-Taimihaihambo2000@gmail.com