OSHAKATI – Omukainhu weedula 21 okwa kwatwa po eshi a hangika nepangwe la holekwa pokati koshifima osho kwa li a twaalela omunadolongo wambulavo. 

Oshiningwanima osha ningwa Etitatu efimbo lomutenya koshitaashi shopolifi mOshakati. 

Omupopiliko wopolifi moshitukulwa shaShana Inspector Frieda Shikole okwa koleka oshiningwanima eshi. 

Opolifi oya hokolola tai ti omukainhu ou okwa ya koshitaashi shopolifi nelalakano loku ka talela po omulumenhu womupambele waye. 

Otaku hokololwa kutya eshi opolifi ya ninga omapekapeko oya hanga epangwe la tonyenwa pokati koshifima shi li membaki lakula. 

Okwa hangika nepangwe locannabis osho yo omakaya. 

Opolifi oya ti omufekelwa ou okwa li a twaalela efima lakula osho yo omutwe woshikombo nomakondo. 

Omufekelwa okwa dja molukanda Uupindi. Ota holoka nena momhangu nota pangulilwa oshibofa shokukala noingangamwifi. 

Okwa didilikwa ovakainhu va ninga oihakanwa paife yokukwatwa nomapangwe osho shi li sha nyika oshiponga. Opolifi oya kumainda oshiwana opo shi longele kumwe okukondjifa oimbuluma yovanhu tava ndjondjole omapangwe meedolongo osho yo okulandifa. 

Ovadali ova kumaidwa opo va yandje ehongo kounona vavo vaha nwe omapangwe shaashi osha nyika oshiponga. 

-fhamalwa@nepc.com.na