Taimi Haihambo

ONGWEDIVA- Omupopiliko wopolifi moNamibia Deputy Commissioner Kauna Shikwambi okwa ti ovakainhu va hapu paife navo ova ninga oihakanwa yokulongifa omapangwe oshoyo okulandifa.

Shikwambi okwa ti oshivike sha dja ko, ova lopotelwa oibofa yakoya pu ihetatu ina sha novakainhu va kwatwa mekwatafano nomapangwe.

Vamwe vati otava landifa, vamwe otava kunhu ashike nokunwa, vamwe ova ningwa oilongifomwa momukalo wokutumwa va twale omapangwe kovanadolongo, voo vamwe tava pona opo va dule oku pita peengaba noupu. Okwa twikila kutya oibofa yoludi eli, inai paasa ovakainhu nande nande.

“Ovakainhu ova tali kako onga omitwe domaumbo, oshoyo ovaleli, nova sheshwa okukala ovakufimbinga moinigwanimani yoludi eli,” ta ti. Okwa twikila kutya ngeenge nena oomeme ova kala veli konima yokakuma molwoimbiluma yoludi eli, oolye tava katekula ounona momaumbo. 

Nonande oiningwanima yoludi eli ya kala tai dana onghandangala yoludi eli, enyeme laShikwambi ola pendulwa unene koshiningwanima shomukainhu weedula 21, oo atulwa moipandeko molwaashi ali eya okutalelpao omunadolongo, ashike pefimbo letalelepo okwa li emuetela oifima, neemboloto da tulwa omapangwe pokati. 

Konima yefimbo lixupi omukainhu umwe natango okwa kwatwa kOutjo nopangwe li na ongushu yetata lomiliona imwe, omanga umwe naye a kwatwa mOngwediva eshi a hangika ta landifa omapangwe. Neudo mowedi Juli, omukainhu weedula 30 Paulina Mbangula okwa pewa ehandukilo leedula hetatu, edi pehelwa moSouth Africa konima eshi a hangika apona omapangwe. Omapangwe vati okwa li e li molupe leepela nokwa hangika medimo laye eli 68. Mbangula okwa kwatelwe pokapale ka OR Tambo moSouth Africa a hangika tadi ko São Paulo ko Brazil. Okwa ti eshi ota shiteya po oshiwana, novakainhu ote va indile va xulifepo okulongifa omapangwe. taimihaihambo2000@gmail.com