Taimi Haihambo
Oshikuku – Omukifi woMalaria owa lopotwa wa shuna pedu, konima eshi wa li wa hanya moshitukulwa noibofa ya koya po8 000.
Omukulunhu wouhaku moshitukulwa shaMusati Dr. Alfonso Amoomo okwa ti eshi sha li sha hanyifa oibofa yomalaria moshitukulwa, ovanaudu ava hava di poushiindalongo Angola, shaashi vati oha veya vahapu, voo oha veya veli meenghalo danaipala nale.
“Ovanaudu ava natango ovo hava hapupalifa oibofa, shaashi ohave ya ve li monghalo itai nuwa omeva,” Amoomo ta ti.
Konima eshi twa mona oibofa ye tu londela ya ya pombada ngaha, otwa tameka okuhonga ovakalimo meni lomikunda nghee ve na okuliamena keemwe.
“Ehongo letu otwa mona kutya inali wila momatwi a fita shaashi konima yefimbo lixupi, momwedi ohatu dulu okuyakula oibofa i li nande 17, oyo ihapu shili, ashike xwepo ngaho okuyelekanifa netameko lodula,” ta ti.
Amoomo okwa twikila kutya eemwedi edi hadi kala unene di na malaria anyaa kehonga okudja Sepetemba fiyo oDesemba.
Okwa ti okwa tuma nale ovanashilonga vaye, va ka tameke oilonga yokupombela momikunda manga pepi, ovo va tameka omwedi wa dja ko.
Okwa ti ovanambelewa ova deulilwa okupombela eemwe deenghadi adike, shaashi odo hadi tandavelifa omalaria.
“Ovanambelwa ottava ka kala mokapale oule womafiku 55, nova teelelika va kale vamana muDesemba,” ta ti.
Amoomo okwa kunghilila ovakalimo vaha patele ovanambelewa vopombela pondje.
Okwa weda po kutya ovanhu nava twikile okukala hava djala oikutu yomaoko ale ngeenge ve li peenhele domaninwo, vo ovanhu tava kala hava nangala meenete deemwe.