Taimi Haihambo
Oshikotob ǀKharisi ǀAwemā!nans ge N$220 000 Onamishu !Amǁaresa Skoli hîa Eengodi ǁhûi!nâǂharis, Omusati ǀkharib dis !nâ ǁgoes diba ge ǀkhae, ǁnā skoli di hostels !aroma ǂûsâi!nâ!nā-oms tsî ǂû!nâsali tsîna nî ǂnuwise. Nē ǀkhaeb di !aromas ge, nē skola huisa îb ǂgaoǀkhādi ǂûn di huiba !khō!oas !aromas Ministeris ǁGau!nâs, ǀAsa ǂâiǀgaugu, ǂKhamkhoen, ǂNuwiǁkhāsib tsî !Hao!nāsib disa ūhâdi ai dīǀoaǀoa.
Nēsis ge hostelsa Xrat 11 tsî 12 ǁkhāǁkhāsenaon, ǀGapi !Harib (AS) di !âb dina ūhâ hîa ǁgûn tsî !nā-i !nâ ra !khō!oahe ǂûn huiba ai !gâbasen hâna. Skoldanas, Esther Iitas ge nē marisihuib !aroma ǂgaoba xu hâ gangansa mā tsî ge mî, ǁkhāǁkhāsenaon tsî !gōsase, ǁnān hostels !nâ hân di ûigu buruxase nî ǀkharaǀkharahesa, mâsib hâ!nân rab nî kharas a xui-ao.
“Sida ǁkhāǁkhāsenaon ge tsēsa xu tsēs ǁgaǁgûntsî ǀnî!nāden ra !khō!oa ǀkhaega xu ûihâ. Nē ǀkhaeb ǀawemā!nans dib ge nē mâsiba nî ǀkharaǀkhara tsî sida hui, ministeris ǂgaoǀkhādi ǂûn huiba !khō!oas di di ai da nî dīoaǀoa !khaisa,” tis ge skoldanasa ge mî. Iitas ra mîsa !oan ge ǁîna ǀhûhâsib hostelsa 2021 tsî 2022ǁî kurikha !nâ blēgu ǀkha ǀkha ge tsoatsoa. “Sida ge ǂkhawusa tsî ǂkharirose ge tsoatsoa. Kurigu ra ī khami da ge ǀgam ǁawosase a ǂnuwisa !âkha ge ǂnuwi, guiba ǀgôadi !aroma tsî nauba axagu dise,” tis ge ge mî. Nē dītsâdi khao!gâs tsînab ge ǀgôan di !gôab ǀgaipisiba ǁgoaǂuis ase ība da.ǁNāpa da 86 ǀgôana ūhâ, xawe gu ge kharoga 32 ǀguisa i , tsîn ge ǀgôana ǁnā ǂkhari kharob ai ǀgamse ra ǁgoe. “Nē mâsib ge a !oa1oaxa, xawe amab hîa da hâ!nâb ge nēba,” tis ge Iitasa ge ǀaro. ǂûs nî tsēkorobe īǁkhā ga, i ge mâ ǀgôa-i hoa-e N$1 800 kurib !aroma ra mātare. “Nausan, ǂauna ǀgôana ǁnaosan hîa ǂhanub !khō!oamaride xu ǀgui ûihân ǀkha ra hâ tsî nēsa sī!nâ tama hâ xawe.
Hâ a ǂûna aiǂhomis tsîn ge ǁgoaǂuis ase i, !aib ain ǁnaetisase da ra sâi-ai stofdi, ǁkhāti !nonase ǀgui hâdi ai ra sâihe tsî ǀnanub ǁaegu !nâ kai !gomma ra mā dase. ǀGôan tsîn ge !ai-aib ai ra ǂû tsîb ge nēpa sâsa ǂnamipe tama hâ, !gōsase ǂoab tsî ǀnanub aegu !nâ,” tis ge skoldanasa ge mî.
Oshikotob ǀKharisi ǀAwemā!nans di aiǂnû-aob, Petrus Nehaleb ge ge mî, nē ǀkhaeb ǁîn di oe-ams skola xun ge !khō!oa ǂgans dis ai ge hâsa.